FLUTURAT PRANË HIRIT
BY:
Zj Softa..
Të strehova në godinën e shpirtit tim, të ngritur mbi rrënoja
Me gurët e rrënojave, ndërtova një oxhak që ty të të ngrohja
E gjeta fillin e ndjenjave dhe me të bëra pëlhurë të të mbuloja
Dashurinë time për ty e bëra gjenerator drite që fytyrën tënde ta ndriçoja.
Tani godina ka mbetur nje muze me kujtimet dhe gjurmët e tua që mbetën aty
Me shenjat e gishtërinjve që prekën muret e saj dhe pëlhurën që mbuloheshim të dy .
Çdo mbrëmje ngrohem në prushin që le ti dhe ndjenjat i djeg ngadalë si ashkë
Dhe thëngjijtë e djegur i ktheva në perla me të cilat dekorova pëlhurën që mbuloheshim bashkë.
Çdo mëngjes shoh nga dritarja e godinës me shpresë se një ditë do të kthehesh
Ti më ke puthur në zemër, ku asnjë s’më puthi dot, ndaj s’ka nevojë të rrëfehesh .
Do të ngrohemi përsëri si dikur në oxhakun e godinës së shpirtit
Dhe kur të vdesim, shpirtrat tanë do të rrinë si dy flutura pranë hirit !
Nga :Buqa Softa
***********************************
EDHE PAK -BY:
Zj Softa..
Përbindëshi “covid 19”
po përpëlitet nën këmbët tona
Edhe pak dhe bota
do të gëlojë sërish në orët e vona
Do n’a qesh përsëri si dikur fytyra
Do të kemi sërish një botë plot ngjyra .
Edhe pak dhe bota
nga hareja do të gumëzhij
Kur përbindëshi të japë
grafmat e fundit të tij
Do të gumëzhijë deti, toka dhe qielli
Do të nusërojë hëna
e do të buzëqeshë dielli .
Edhe pak ka mbetur
dhe do të jemi si dikur
Këtë herë më të lumtur
dhe më të fortë se kurrë
Edhe pak dhe do të lindë bota e re
Kur përbindëshi do të futet
shtatë pashë nën dhe .
Mos e fik qiriun e shpresës
kur je në errësirë
Se çdo e keqe e ka edhe një të mirë .
Që të ndjesh shijen e ëmbël,
duhet të provosh shijen e hidhur
S’mund të shijosh lumturinë,
pa shijen e lotit të kripur !
(Buqa Softa)
