S’më del koha për gabime,
nga të tjerët do mësoj.
Të jem dashuri perfekte,
muajt,vitet s’më mjaftojnë.
E plotë në youtube dhe Spotify.
Teksti:Lindita Kurti Mema.
“””””””””””
Bota e të ligjve.
Kjo botë sikur është krijuar për të ligjtë,
ku e keqja lulëzon e merr pushtet,
të mirët vuajnë në heshtje çdo ditë,
me barrën e goditjeve që mbi ta pret.
Por vuajtja e të drejtit ka dinjitet,
ndërsa fitorja e të ligut vetëm hije,
në fund, çdo shpirt korr ç’mbjell vetë,
dhe helmi i mbjell i bëhet pije.!
~ Lindita Kurti Mema
THIRRJE.
Të dashur miq, prindër, gjyshër dhe ju të rinj me shpirt artistik.
“Udhëtim poetik”, hap dyert e tij jo thjesht si një mjedis fjalësh,por si një vatër ku takohen brezat dhe ku ndizet shkëndija e parë e artit.
Fjala e shkruar është ura më e bukur që lidh kohërat.
Ajo që vjen nga urtësia e gjyshërve dhe ajo që rreh në kraharorin e të rinjve tanë.
Prandaj, ju ftojmë të bëheni pjesë e edicionit tonë të parë të konkursit poetik i cili zhvillohet online si fillim duke u dhënë mundësinë të rinjve të marrin pjesë lehtësisht.
I drejtohemi të gjithë të rinjve dhe fëmijëve (të frymëzuar nga familjet, miqtë apo kujtimet e gjyshërve), të cilët duan të provojnë veten në botën e bukur të vargut.
Tema:
“Liria në sytë e të rinjve”
Lidhja e festave kombëtare të 28-29 Nëntorit me ndjenjën e atdhedashurisë, historisë,por edhe me thirrjen për paqe, liri dhe kalimin e sfidave (“trazirat” apo periudhat e vështira që ka kaluar e kalon njerëzimi).
Për të rinjtë dhe fëmijët (të frymëzuar nga gjyshërit dhe familja), kjo është një mundësi e artë për të shprehur se si i shohin ata rrënjët e tyre, lirinë dhe të ardhmen.
Juria dhe Vlerësimi:
Do të jetë nga profesionistë dhe jo nga liket(pëlqimet).
Çmimet dhe vlerësimi:
Përveç çmimit monetar për fituesin do jenë dhe tre çmime inkurajuese simbolike.
Çmim i parë.
Çmim i dytë.
Çmim i tretë.
Poezitë do dërgohen në koment nga sot deri në d.t.20/11/2026.
Fituesi shpallet pas festave të Nëntorit me njoftim në faqen tonë”Udhëtim Poetik”
Suksese të gjithë pjesëmarrësve.
Besojmë se arti nuk ka çmim,por ka vlerësim.
Për të stimuluar talentet e reja,poezia fituese do të shpërblehet me një shumë modeste financiare dhe një Certifikatë Nderi,ndërsa të gjithë pjesëmarrësit do të kenë vendin e tyre në zemrën dhe faqes tonë “Udhëtim Poetik”.
Bashkohuni me ne në këtë udhëtim.
Le t’i japim zë poezisë së re dhe të nxitim rinin për të ndjekur rrugën e bukur të artit.!
