Me poetin brilant Tonin Nikolli
DITA E PARЁ:
Me ftesën e Shkrimtarit të nderuar Salvador Gjeçi për të publikuar kopertinat e 10 librave (një çdo ditë) pa asnjë shpjegim, asnjë kritikë, vetëm kopertinën, dhe me dëshirën që personat e nominuar, t’i kërkojë një personi tjetë,r ta vazhdojë këtë zinxhir. Është një inciativë argëtimi këto ditë jo aq të gëzuara, që të tërheqim vëmendjen sa më shumë tek leximi.
Sot po sjell nga i madhi Ndoc Gjetja “ DHJATA IME “
Ftoj poetin Musa Jupolli ti bashkangjitet kësaj nisme
PYLL
( variant…)
Të trishton terri i natës, në një pyll pa rrugë, pa shteg,
kur i vetëm i hedh hapat, kuturu, pa sens, pa busull…
Ulërimë e ndonjë bishe, të ngre leshrat, të rrënqeth,
pa menduar, për instikt, gjen një qosh e mblidhesh kruspull…
Sipër degëve s’rehatohet dhe në çerdhe, pupulash dridhet,
zogu femër i trumcakut, përmi vezët tek i ngroh…
Shkruan qiellit vetëtima, re e zezë, kur hazdiset,
edhe shiun kokërrmadh, pa mëshirë, e hedh përtokë…
Të trishton terri natës, në një pyll pa rrugë, pa shteg,
kur i lodhur, i harruar, kuturu, pa sens, pa busull,
ikën trembur zvarrë – zvarrë, i fëlliqur, si një shtërg,
kthyer në dordolec kopshti a, mjerisht, në një kukull…
Sipër degëve s’rehatohet….zogu- tru dridhet në kafkë…
Ndrydhet, rrudhet…si një shkumë, thahet, shuhet,
kurrë ndezur, pa bërë dritë, pa bërë flakë,
në këtë pyll të errësuar, vetvetes keq i ndruhet…
Të trishton terri i natës, të kall tmerr edhe frikë.
Kur udhëton në errësirë, në një pyll plot me kafshë…
Sipër degëve, qielli lart, të duket si Rrasë e Fiktë,
i pjestuar, i grimcuar, si një qelq pa formë, pa trajtë…
“”””””””””””””””””
LUTJA E PARAGJUMIT.
Mos m’i fik gacat e fundit,
mbuluar me hirin e harresës…
Ndoshta,
dikush do shkarkojë një barrë dru,
bash në fill të erës…
Amen!
“””””””””””””””
E SHTUNË…
Herët unë dhe vonë ti,
veç një gjë ka rëndësi:
U zgjuam,
që të dy…
Pushim unë, pushim dhe ti.
Veç një gjë ka rëndësi:
varfëria ime,
s’peshon tek ti…
Unë po dal, dil edhe ti..
Veç një gjë ka rëndësi:
ti trembesh,
unë s’bëj trimëri…
Është e shtunë për mua e ty..
Veç një gjë ka rëndësi:
si e shoh unë,
kurrë s’e sheh ti…
“””””””””””””””””””
LUTJA E PARAGJUMIT.
Përcillmë në gjumë
me një ninullë të herëshme Dade!
Të fle di qingj,
pa më hëngër shtriga nate…
Amen!
“”””””””””””””””
1 MAJI?
Trishtim.
Pronarët flenë qetë.
Punëtorët janë pushim…!!!
Dy palët pa faj.
Rroftë 1 maji
dhe pjella e saj…!!
“””””””””””””
HAIK I PЁRMALLTЁ
Sonte, në mbrëmje,
këngët për ty mejnë pak,
në heshtje malli.
Shpirti të përcjell,
n´udhëtim të përjetshëm,
N´ringjallje shpresash.
