=PO RINGJALLET AT GJERGJ FISHTA !=
==============================
Sa herë kam shkuar në Krajnin tim
Kam ndalur e perkulur në fshatin Fishtë
Puth i a kam bustin Atit si varrin babait tim
Ashtu kokëulur,me dhëmbje ,e i trishtë!
Dhe para ca ditëve me ca shokë të mi
Shkuam e foto bëmë me Atin e shënjtë
Na u duk se na bekoj Ati me shënjtëri
Shkuam si të lodhur;na bëri me fletë!
Tek shihnim Atin te ajo kullë e vjeter
Që tënja e kohes e politikes e kish brejtë
Madhështia e Atit i jepte pamje tjeter
Madhështi që i japin jetes e vdekjes korifejt!
Këto ditë zemer e shpirt më janë gezuar
Se paska qenë kështu vizita e fundit
Si marathonomak po vijë per tju treguar
Se At Gjergji po ringjallet te kulla e katundit!
Sa qe gjallë o At shëndrite si Yll i Drites
Në Altar, Kuvend, Lahutë,Mriz e Manastir
S’vdekuri të lanë vetem rrenojave të Fishtes
Por dhe pse ashtu ti ndrisje dhe më mirë!
Në vite e dekada të paqenë të bënë
Si ata të pa fe dhe sot këta me fe
Gjynahu per ty o Homeri ynë i ka zënë
Ndaj kanë fillu me të bërë shtëpi të re!
Jezusi vuajti s’gjalli atje në Golgotë
Ju s’vdekuri të lanë në ferra e vjetersira
Si Jezusi dhe ju veç dritë lëshuet në botë
Po ringjallet At Gjergji,po vijnë ditë të mira!
Mezi po pres t’u vijë prap per vizitë
Te shtëpia e re ku shtatin pushove
Te shtëpia si altar ku pushojnë perenditë
Ku fesë e Atëdheut jeten ja kushtove!
