ÇLIRIMI I SHQIPËRISË
-Lavdi te perjetshem Deshmoret e lirise,
te pavdekshem partiznet trima legjendare.
Çlirimi i shkruar me gjak,
dëshmorët prehen në altar,
nënat vajtojnë mbi varr,
atdheu rënkon nga plagët,
dëshmi e gjallë partizanët,
krenarë ndihen veteranët ,
shqiptarët nderojnë të rënët,
bota dënon pushtuesit barbarë.
-Ç’janë këta ogurzinj, sharlatanë,
që hedhin baltë mbi histori,
që mohojnë gjak edhe liri,
epopenë e lavdishme heroike, të luftës çlirimtare,
ngrihen si kofini pas të vjelave,
fshihen pas partive, na dalin fitimtarë?!
Po historianët tanë ku janë,
apo lozin “kungulleshkash” me datën?
ca me 28-tën, ca me 29-tën, si kalamajtë,
nuk fshihet hosteni në thes, o miopë,
a bëhet hasha babai, mitraleri hero,
nuk mashtrohet brezi i ri me pallavra,
nuk gënjehet populli nga ju pehlivanë!
Le të festojmë Çlirimin të gjithë bashkë,
të kujtojmë me nderim luftëtarët e lirisë,
të nderojmë dëshmorët e atdheut të lashtë,
nuk bëhet gjaku ujë se s’doni 29-tën,
Dita e Çlirimit, duam s’duam ne,
Do mbetet në histori, shenjtëri e artë!
@-Luan Kalana-Florida SHBA…
