Kur nuk funksionon as në Amerikë?!
Dje e gjithë Bota,
mbeti e shokuar,
kur pa Kapitolin,
komplet të pushtuar!
Mbas thirrjes së Trampit,
idiotit të çmendur,
me mijëra trampistë,
në Kapitol janë gjendur!
Pasuesit e Trampit,
turmë-jo të zgjedhur,
janë më se të bindur,
se zgjedhjet janë vjedhur!
Qorrazi tek Trampi,
ata kanë besim,
shto-shumicë e tyre,
janë pa dije e arsim!
Njerëz të pagdhëndur,
të paarsimuar,
mund që Kapitolin,
ta kishin rrafshuar!
Një fjalë nga Trampi,
ajo turmë priti,
gjer në këtë pikë,
ai nuk arriti!
Edhe pse protesta,
qe bërë e ditur,
policia ishte,
e papërgatitur!
Disa herë kam shkruar,
në vjershat e mia,
kudo në rrezik,
është demokracia!
Kur nuk funksionon,
as në Amerikë,
nga turmat e egra,
duhet pasur frikë!
Qindra të plagosur,
dhe katër të vrarë,
e gjithë Amerika,
një plagë ka marrë!
Në filma çudira,
gjithmonë shohim ne,
Amerika është,
ajo që pamë dje!
Me një president,
qind për qind të marrë,
turmën- me mashtrime,
e çoi për t’u vrarë!
Përgjegjësi kryesor,
i sigurisë kombëtare,
kokën Amerikës,
ja uli me fare!
Po Trampi nuk ndalet,
me postimet marre:
“Kjo është dita e parë e luftës,
për ta bërë Amerikën të madhe!..”
Në politikën amerikane,
Trampi hyri dhe doli si furtuna,
një president i fandaksur,
që beson akoma tek dhuna!
Po një e tillë kryengritje,
s’besoj të ndodhë përsëri,
dhe vetëm dita e djeshme,
nuk bën dot histori!..
A.DUKA
