Gazeta “Nji dritare e Re” i uron ditlindjen poetes brilante DRITA HAXHILLARI.Shendet dhe lumturi ne jete,krijimtari te paster si kristali.Botuesi.GjinMusa
Kush je ti !?
E djeshme a sot,asgjë apo gjithçka,
saktë apo më kot,cili je nga këta..?
Zvarritur a vrapuar…hije mbi tokë,
dremitur,zgjuar,askush në k’të botë.
Mënjanë a matanë,fasadë a ilustrim,
më the-të thanë,realitet a mashtrim.
Flakje apo cikje,neveri a ledhatim..
Ardhje apo ikje,çudi a dëshpërim..
Rastësi a flagranc’ montim i huazuar,
ironi apo arrogancë,profil i shëmtuar.
Kopje e dyzuar,stisje në shpërfytyrim,
sajesë e arnuar,me autorësi anonim.
Oreks i tepruar,ethshëm nën lëkurë,
formulë e ngatërruar,ngërç si dikur. Udhëkryq apo avaz,dilemë në robëri,
hiq maskën të thërras- kush je ti !?
© Drita Haxhillari.
“”””””””””””””””””””””
Ngjyrat e vargut tim…
Vargu im,rrjedh lirshëm,si një ujëvar’
brenda tij buron…një zemër qelibar.
Vargu im mëndafsh,mantel butësie,
brenda tij një shpirt,univers mirësie.
Vargu im,bardhësi…si dëbora në mal,
brenda mban pastërti,si ujë kristal.
Vargu im i çiltër…si bota e një fëmije,
brenda tij…një botë e tërë pafajësie.
Vargu im,revoltë…si deti në stuhi…
në çdo germ’ a fjalë,apel për drejtësi.
Vargu im pasion,s’ka të përshkruar,
ndjenjë,emocion,zemër dashuruar.
Vargu im plot ngjyra…nur e hijeshi,
bio si vet natyra,oqen plot dashuri.
Vargu im traditë..vlera në përjetësi,
vargu im çdo ditë,nota në melodi..
Vargu im,sfidë,dhimbje në k’të botë,
vargu im,rilind…buzëqeshje në lot.
Vargu im shkruar,amanet n’përjetësi,
dhuratë e paçmuar,për lexuesit e mi.
© Drita Haxhillari.
