Lufta e vitit 2001 rrënjësisht ndryshoi statusin politiko juridik të shqiptarëve në Republikën e Maqedonisë së Veriut , andaj edhe llogaritet si ndër ngjarjet më të rëndësishme në historinë e popullit shqiptar, jo vetëm tek ne por edhe më gjerë.
Çka ndodhi sot me të ariturat e luftës dhe cili është statusi politiko juridik i shqiptarëve në RMV.
1. A janë shqiptarët sot të kënaqur me statusin politiko juridik në RMV?
2. Nëse këta dëshmorë janë krenaria e jonë, atëherë cili është statusi juridik i tyre në RMV?
3. Kush janë ato individ dhe parti politike që duan të falin gjakun e dëshmorëve, duke ua shtrirë dorën e pajtimit strukturave ushtarako-policore maqedone pa ndryshimin e konceptit të këtij shteti?
4. Pse duhej të lejohet mposhtja e zonës së lirë në Karadak, me skenarin e tradhëtisë së Kumanovës më 9 maj 2015.
5. Sot më 2 maj, në këtë vit jubilar të 20 vjetorit nga shpallja e zonës së lirë, në varrezat e dëshmorëve paralel me ish-strukturat e UÇK, veteranëve të luftës, homazhe dhe kurora duhej të dorëzonin edhe delegacione të larta shtetërore nga Maqedonia e Veriut, Kosova dhe Shqipëria.
Shoqata e Veteranëve të Luftës së Ushtrisë Çlirimtare Kombëtare vlerson se ndasitë politike janë vetëm dorë e zgjatur e interesave të huaja dhe pengesë për jetësimin e kërkesave të dalura nga lufta.
Me rastin e 20 vjetorit nga lufta e lavdishme e UÇK-së është koha dhe momenti për ndryshimet kruciale në këtë shtet duke filluar me ndryshimin e Kushtetutës dhe definimin e qartë të pozitës së shqiptarëve – element konstituiv dhe bartës i sovranitetit në Republikën e Maqedonisë së Veriut.
LAVDI DËSHMORËVE
