NË DITËN E NËNAVE !
Sot në ditën e gjithë nënave
Kujtoj unë të shtrenjtën time
Që më mbeti mua ëndrrave
Plot me dhimbje e trishtime !
Kur t’kujtoj ty nëna ime
Plagët e shpirtit m’dhembin shumë
Eh ,sa herë m’vjen në kujtime
Për ty lotët m’rrjedhin lumë !
Dava Gjoka Lleshaj , Tiranë 8 Maj 2021
MULLIRI I VJETËR
N’shekuj bloi mulliri i vjetër
Eh,sa mall e nostalgji !
Si një ditë e çdo ditë tjetër
M’vjen nga larg trokëllimë e tij
Rrëk,tëk ,tëk trokëllimë e tij
M’vjen si ëndërr e kaluar
Them me vete sa çudi
Eh ,sa drithin e ka bluar !
Eja ,radhën kush e ka
Dëgjohej zëri i mullixhiut
Bluante drithin për ata
Eh,buka e misrit e hallexhiut !
Prej shumë shekujsh drithin bloi
Pa u lodhur ai mulli
Bukën e misrit siguroi
Për atë që bluante aty
Veç miell misri,s’nxirrje tjetër
Eh,sa mall e nostalgji
Rrëk ,tëk ,tëk trokëllimë e vjetër
Varfërinë përcolle ti
