Mbi dy rrota biçiklete
Meditim në Ditën Botërore të Biçikletave
Nga Namik Selmani Boston
Sot
mbi dy rrota biçiklete feston mbarë bota
Për
Flladin e ëmbël të viseve që i vjen te fytyra.
Për
Thirrjet entuziaste që përcillen nëpër kohëra.
Për shtigjet
e vështira e të pashkelura ku të fton natyra.
Sot
Njeriu gëzon fytyrskuqshëm te dy rrota biçikletash
E
Vë në buzë mijëra trëndafilë me urime
Mbi të
Foli me një gjuhë ardhmërie dashuria e jeta
E
Thuri për të sa e sa këngë dhe himne.
Mbi
Dy rrota biçikelete mund të nisë vetë simfonia
Pranë tokës
Ku dhe balta e guri të bëhen si lulet.
Aty
Na vjen përtëritja dhe troket lumturia.
Në zemër
E në supe një shami gjelbërimi të ulet.
Mund
Të shkojë njeriu në Hënë e mbase dhe në Mars
Të
Fluturojë qiejve si skifter a si pëllumb postjer
Po ajo,
Biçikleta do të jetë si dashuria e pare.
Që nuk njeh
vyshkje e nuk bëhet si qiriri dritëzbehtë
3 qershor 2021
