LOTI
Lot-loti i lotëzuar ,
hiri mallit të pashuar…
Rrokullimën nëpër faqe ,
gjerbur buza manushaqe…
Lot-loti i lotëzuar,
balsam për shpirt të dërrmuar…
Rrëke , vilar nëpër faqe,
mbytur buzën manushaqe…
Lot-loti i lotëzuar,
ujëzim i shenjtëruar…
Fat , që burimin, tek nëna,
ndryshe , do të plaste zemra!..
N . L . ( F ) 12 / 06 / 2020
“””””””””””””””””””””””””””””
AS TË LEU
Gur e mur, kërkon të ndizesh
Pa u ndezur, s’di, pse fikesh ?!..
Bup…, veç grimcë “ Prometeu “
Jo…,që s’ke , pooor , as të leu!..
N . L . ( F )
“”””””””””””””””
S’MË GËNJEU
Kurrë s’ma “ drodhi “ intuita
As , dhe syri me shtatë drita…
Kuptoj thellë të mbuluarën
Lexoj mirë dhe të pashkruarën…
Retorikat hipokrite
Okë pështyme për karrige…
S’më gënjeu intuita
Ç’mban në shpirt, sheshit të gjitha!..
N . L . ( F )
“””””””””””””””
DERDH MBI TY
Lexues të qofsha falë,
nga ty, krah’e fluturoj…
As far’as fis , as takuar,
vargun ma shtrydh nëpër gojë…
Lexues ti, m’i njeh mirë,
ah-et që vargut kam shtruar…
Kur ngjasojnë me të tuat,
të miat m’i ke mjekuar…
Falmë – falmë, në të lodha,
Nga ti, shenjtëri mbështetja…
Vargjedashur edhe unë
Derdh mbi ty, e hiq nga vetja!…
N . L . ( F ).
