” RIOSHEN “
————————
*
Malli me sython serisht
Per miken time sy shkruar ,
Si flladi kur vjen Pranverisht
Flatron permbi kohen e shkuar !
*
Per Rioshen qe me vrente delire
Ferfellonte e sillesh n’defrim ,
Me hiret prej njomeshtire
Qe hijshem valezonin n’deshirim !
*
Si gjethja kur dridhet nga flladi
Lekundej tek shkonte serbes ,
Prej joshjes me heshti shpirt ngrati
Dhe sharmit filtrues , rrembyes !
*
Ate e desha si Perendine
Eh , veç ta dinte sa e doja ,
Si ne prarim , dashurine
Aq dhembsurisht e dashuroja !
“””””””””””””””””””””
” MARTIR PREJ MIZORISE “
—————————————————-
*
O ti , qe levdon e admiron ventuzat , fort i ndergjegjesuar ,
Vertet nuk e njeh , perimetrin e cakut te se drejtes ?
Ti o mundimtar i lodhur , prej arsyes i t’jetersuar ,
I joshur prej doktrines , nuk di as sinorin e jetes ?!
*
Boll u luhate , ne mjergullen e rokoçitjes se sentimentaleve ,
Dhe gergeritjeve te kacekeve qe ngrekosen , faqezinje ,
O martir prej mizorise i fshikelluar , prej mundimtareve ,
Cubave e haluçinanteve , konfuzionisteve hatakçinje !
*
Blasfemonjesit e lajthitur , drejt te pabesueshmes ,.
Ne mbreterine e hamendjes , te kane t’jetersuar ,
Sepse ti o i devotshem , drejt te t’jetersueshmes ,
Mbetesh aleati me i denje , per tu besuar !
*
Ndoshta kjo zgjedhe , ne t’vertet ty t’ka ngazellyer
Si dhe ndrojtja e perzemert , ndaj se keqes e sublimit ,
Ndaj te epermit sa here ,me nderim te kane shperblyer
Tere ngallengjim e mirenjohje , sipas artit te mashtrimit !
“”””””””””””””””””
” TE KISHA XHAN “
———————‐————————
*
Me kujtohet moj Belece
Kur erdhe , mu bere fqinje ,
Me shihje dhe buzeqeshje
Ishe e vogel , si karçine !
E mban mend si te veshtroja
Ne oborr , aty ku rrija ?!
Doja per vizite te ftoja
Por as emrin , nuk ta dija !
*
Kujtoj ditet kur dikur
Luanim toke , te avllia ,
Me letra , a loje me kur
Me litare edhe me shpia !
S’jemi ndare asnjehere
Gjith diten , te dy ne rrinim ,
Deri vone , kur atehere
Binte nata , shkonim flinim !
*
Ah , sa here , netet mallkonim
Kur ndaheshim , ne erresire ,
Se as ti , e as une s’donim
Te thonim , naten e mire !
Gjithçka beja , ç’far t’i doje
Si Era , Fushes vrapoja ,
E mban mend , kur shpesh me thoje
Shko me kap ca Xixellonja ?!
*
Po kur zbrisnim te dy toke
Ne Lendine , here pas here ,
Une te vendosja mbi floke
Nje kurore , me lule Shqerre ?!
Me buzeqeshje , Engjellore
Ngallezyer , shenderrisje ,
Ndersa lart , Hena driterore
Xhelozohej , sa s’pelciste !
*
Ah , sa here me the te dua
E te kame ,si nje vella !
Me t’vertet me doje mua
Apo ishte nje shaka ?!
Ateher ti se kuptoje
Se sa keq , qe ndihesha une ,
Se ti ndoshta fort me doje
Kurse une , diçka me shume !
*
Eh , mike ishim te vegjel
Me kishe , e te kisha xhan ,
Por sot ty , te dua ndryshe
Te betoj , per at nishan !
Ah , sikur , prap te me thoje
Te pakten , edhe njehere ,
Se vazhdoje te me doje
Si dikure , si atehere !
*
Ngrihe koken , te shoh syte
Po perse , ke zor prej meje ?!
Une jam , gjitoni yte
Qe banon ketu , prane teje !
Mos u shtir sikur s’me njeh
S’di pse mban meri me mua ,
Ç’do mengjes del e me sheh
Si u gdhive , nuk me thua !
*
Sa here lan , pastron e fshine
Kur te shoh , me shtin ne hall ,
Ne oborr , me pas shtepine
E levize si nje Nus Lale !
Ah ,me pas , kur vadit lulet
Nis kendon kenget e tua ,
Po perse moj Kanarine
S’mi meson ato dhe mua ?!
*
Te pusi , ne avlline tende
Kur mbushje me thrrisje mua ,
Pse s’me jep , siç me jepje
Dhe njeher uje , me duart e tua ?!
Nuk me fton , as te vij brenda
Si dikur , te ndihmoj une ,
Te ngrejme bashke kovat e renda
Te dy moj , vetull Shushunje !
*
Ato floke , te gjate te derdhur
Ne siklet , te paskan vene ,
Te vije une , veç per ti krehur
Qe mos te mundosh te teme ?!
Do ti laj me uje Perroi
E t’i shkumezoj me Finje ,
Veç per ty , une nuk pertoi
Vetem thuam , kur te vije !
*
S’kam faj une , qe shtepite
Ne i kemi , kaq shume prane ,
Por te tute dhe te mite
Qe s’na pyeten e s’na thane !
Faj ka zemra , qe te do
Dhe e jotja , qe s’rrefen ,
Ah , i mjeri kur s’te shoh
Ajo iken , tek ty vjen !
