MUZË POEZIE !
Më tha muza e poezisë
S’do të le ,unë ,kurrë rehat
Do t’largoj ty prej mërzisë
Natë e ditë do t’vij në shtrat !
Do të vij unë , ditë për ditë
Nga mëngjesi deri n’darkë
Edhe natën ,ti , më prit
Se di t’vij ,t’ulem në shtrat !
Mblidhi shkronjat një nga një
Ktheji në vargje dashurie
Se në heshtje pa bërë zë
Do t’vij unë , muzë poezie !
Dava Gjoka Lleshaj ,Tiranë 16 Gusht 2021
“”””””””””””””””””
LULE E BUKUR MIRDITORE
Ku lind dielli e lëshon rreze
Edhe hana ku ban dritë
Po zbret ti moj lule bjeshke
Lind e rritun në Mirditë
Trupi yt si një selvi
Derdhur bjeshkës nëpër shpat
Po zbret ti moj bukuri
Si zanë mali, e hollë e gjatë
Lule e bukur mirditore
Eja pak e bashkë të rrimë
Të pimë ujin e këtyre krojeve
E ta fal unë dashurinë
Dava Gjoka (Lleshaj)
Tiranë 15.8.2018
