MALLI QË S’TRETET KURRË!
Për ty, malli s’do më shuhet kurrë.
Një mall,që në zemër më përvëlon.
Më djeg brenda në shpirt,si një furrë.
Çdo ditë që vjen,e çdo ditë që shkon!
Sot jam bërë gjysh,me nipër si yje.
Më thërrasin të gjithë Edi ynë poeti.
Malli i patretur,drejt teje më shpie .
Malli që koha,asnjëherë nuk e treti!
Shpesh,për ty më dalin lotë,nga sytë.
Doja,të kthehesha tek ty,edhe njëherë.
Për ty të thurja vargje,të thurja poezitë.
Të vija edhe një herë tek ti,pa u ndjerë!
Më merr malli për ty,buza më dridhet.
Ti ishe e pafajëshme,si vetë perëndia.
Malli për ty,brënda në zemër,më digjet.
Ty ke hedhur rrënjë, në kujtimet e mija!
Malli për ty s’matet,është sa gjithësia.
Nuk ka njësi matëse,që atë e tregon .
Emri yt është i dlirë,të quajnë”fëmijëria”
Çdo njeri që lind,në rrugën tënde shkon !
Kam mall për ty,fëmijëria ime e vështirë.
Malli për ty, më është bërë,sa një oqean.
Nuk të ndrroj me asgjë,mikja ime e mirë.
Çdo ditë,që më skthehet,zemra për ty qan!
Zot i Madhërishëm,plotësomë një dëshirë.
Më kthe edhe njëherë, në jetën e vërtetë.
Ta jetoj këtë jetë,si fëmijë,pa mllef e cmirë.
Pastaj drejt teje,pa mëdyshje,do të vij vetë!
“””””””””””””””””””””””
KOSOVË ,SA PRANË TË KEMI..!!
Kosovë ,me emrin tënd më flasin malet.
Kosovë,me emrin tënd më flet,çdo plis e gur.
Kosovë,para teje dhe Hëna dhe dielli ndalet.
Kosovë,hijeshi vashe ke në emër,dritë e nur!
Kosovë,shekujt me emrin tënd ,më flasin.
Kosovë,për ty gjaku i derdhur është bërë liqene.
Kosovë,krisma e buçima topash,më buçasin.
Kosovë,të dua si biri yt oj nanë,oj Kosova jeme!
Kosovë,o syri e zemra e mbushur përherë me lotë.
Kosovë,djepi që lundron në lumenj e dete gjaku
Kosovë,askush si ti,me aq gjak se kërkoi lirinë në botë.
Kosovë,Dardani,veç teje askush se di si erdhi liria tek pragu!
Kosovë,ti njoh djemtë,si lisat e vajzat si Hëna ndër yje.
Sa herë që i takoj,sikur takoj Kosovën dhe krejt Dardaninë,
Axhë,jena prej Kosove thonë..,sa ju pska hije!
Na nanë n’zemrër,axhë kena e do t’kemi vetëm Shqipninë!
Kosovë, n’lucat e gjakut në çdo vend,trëndafilat kanë çelë.
Janë trëndafilat e paqes,se ne Shqiptarët kudo
për paqen jemi.
Liria ka hapur flatrat,lirinë kudo veç gjaku lumë e ka sjellë.
Kosovë,tash jena bashkë n’rrugën tonë,oh sa pranë të kemi !
