I lirë
si shpes që fluturon mbi re
dobësive të mjegullave që rrethojnë,
vizioneve të përhumbura
errësirës dhe pikëllimit,
të një drite që shquan nga larg,
ku fuqia e përpjekjes kapërcen vetveten,
mendimeve gri
rutinës që vjen e shkon
e në fronin e zemrës,
lind përherë shpresë e re.
Marjeta Shatro Rrapaj
4.01.2020
“”””””””””””
Pështjellim mendimesh…
Prej dëshirave të zjarrta rendim,
vrapojmë për nuk e di se ku.
Etja e hareshme e gëzimit na thahet në fyt.
Mbi mungesat që na flenë në sy
zënë fill rrënjët e mërzisë
që zgjatin lastarët e mallit
e gjethet i shtrijnë në diell
kur ditës largohen pritjet e zgjatura
kurse natës tkurren pështjellimet e mendimeve…
Marjeta Shatro Rrapaj
“””””””””””””””””””””
Përmes dritës…
Drita
përthyhet mbi errësirën amorfe
e shpërndan
ngjyrat e saj në mijëra thërrmija
si xixëllonja që rendin pas ajrit
në thellësi të shekujve antikë
për pështjellim të modernitetit klasik
përmes iluzionit optik që zhvendos botën…
Marjeta Shatro Rrapaj
“””””””””””””””””””””
Spektër ndjesish…
I duam ngjyrimet e dashurisë,
të përhumbemi larg monotonisë,
larg ditëve të ngjashme,
me ngjeshje ndjenjash,
puthitje shpirtrash.
Në kurbën e përjetimeve
ngjyrosim përmbajtjen
e çasteve të papërsëritshme.
Marjeta Shatro Rrapaj
“”””””””””””””””””””””””””
Spektër ndjesish…
I duam ngjyrimet e dashurisë,
të përhumbemi larg monotonisë,
larg ditëve të ngjashme,
me ngjeshje ndjenjash,
puthitje shpirtrash.
Në kurbën e përjetimeve
ngjyrosim përmbajtjen
e çasteve të papërsëritshme.
