Ç’magji ju bëri fati syve të mi ?
Çfarë ndjenje duhet të ketë kthimi ?
Që me delikatesë lëkundet si selvi
Kujtesa mbetet ,fsheh pendimin !
2 Mars 2020 Mirela Ropi
“””””””””””””””””””””””””
PRANVERË ME SYTHE TMERI
Rrugët po mbushen ,
Me motrat e dhimbjes
Muzikë funebre me jehona ulërime
Brenda syve të fëmijëve
Formohen ujvara lotësh
Me karvan të ngadaltë
Nis rrugëtimi
Me shpresë, lutje
Pleq ,rini përqafojnë njëri tjetrin
Fëmijët mes kufirit të shpëtimit
Vrapon, si ëngjell pa krah
Dhe kjo pranverë ndeshet
Me sythe tmerri
Luftë bombardime
Që nuk po le asnjë filiz lirie.
U shterën fjalët
Ngrijnë buzëqeshjet
Gjak, pikojnë zemrat
Shuhen dhe yjet e fatit
Përmbys po kthehet kjo botë
Me avionë që mbarsin tmerin
Një psherëtimë pafund, ohhhhh
Zot, zgjat dorën ndale luftën !
27 Shkurt 2022
“””””””””””””””””””
FLASIN RRUDHAT
Një shikim i pa shpresë
Brenda meje hap plagë
Më lerë të gjej rrugën
Atë, që humbi çdo çast
Mos u mundo të përplasësh
Shënjat fytyrës time
Tashmë, janë rrudhat
Që ndajnë drejtimet
E shkuara mbeti një libër
Ku fsheh sekretet e së ardhmes
Do shkëput me duar e mija
Zinxhirin,ku premtimet u mbarsën.
E di, zemra s’dëgjon më !
As ndjenjat,nuk i marin lejë
Erdhe si një dallgë përballë
Por,shenjtëruar kërkon të ikësh !
24Shkurt 2021 Mirela Ropi
“””””””””””””””””””””””””
BABA LUFTOJ ME DHIMBJEN
Nuk e njoh këtë lloj lufte,
Ndaj vdekjes ,s’kam armë të përdor
U bënë vite që të kam humbur
Më mungon njësoj
Kundrejt ndjenjave
Jemi të çarmatosur
Se ato,ekzistojnë vërtet,
I shpëtojnë çdo çensure
Me to bëhesh “preh”
Ne fajësojmë një gjest,një fjalë
Por ndjenjat jo, mbi to s’mbëtet fuqi,
Disa fjalë rriten, brenda zemrës
Gëdhenden thellë në shpirt.
Gjithkund ka gjurmë të dhimbjes
E lehtë është dhimbja që flet
Më e rënda bëhet memece
Baba,mungesa jote më vret !
