P R I L L…
Një fllad i freskët si puhizë
Mushkëritë m’i mbushi si balonë
Bilbili më kënaq me”muzikë”
Gjelbërim rreth e qark nga shikon.
Gjallëron gjithandej mjedisi
Një kor mikst zogjësh mbi pemë
Iku, e theu qafën covidi
Dhe bëhem nga gëzimi “ujem”.
Se PRILLI është i magjishëm
Mërzitjen si me magji ta heq
Ndaj bëhem prapë i “fuqishëm”
Sa covidin ta çojë mu në dreq.
Ky është gëzimi më i madh
Se ka tri vjet që na ndau së gjalli
Më duket se jam ai djali, në vakt.
“Sëmundja” më mban prej kapistali.
Tiranë,29 prill 2022
“”””””””””””””””””””
PO KUR THONË SE NUK QAN BURRI?
Mbrëmë kam qenë në Petovë, në fshatin tim të lindjes
Tek klodra dominuese ku kam patur shtëpinë.
Kam qarë si fëmijë prej mallit e dhimbjes
Se nuk e mbajta dot nsotalgjinë.
Shtëpi më nuk ka, por ja mu tek vëndi
Sinoreve të shtëpisë u bie rreth e qark
Brengosem, o miq, se malli më çmëndi
Dhe zë e derdh lot si fëmijë motak.
Fëmijë motak që dikush e ka rrahur
Thërret e bërtet se shpuplakën nuk duron
Jam unë ai fëm ija që tash jam kokëzbardhur
Që nuk e mbaj dot lotin që si shi pikon.
Malli pëpr vendlindjen çan edhe gurin
Pse çuditi që më mundi mua, burrin?!!!
“””””””””””””””””””””
AH,KY MALL!
Ah,ky mall që nga unë s’ndahet
Rritet,rritet u bë det!
Zemra ime sa nuk çahet
Veç për ty, qiri u tret.
Nga ky mall jam si i “dytë”
Mendja ka dalë nga “burgjia”
Sikur m’u mbytën gjemitë
Veç për ty,nga dashuria.
Dashuria është si fruthi
Fruthi pleqtë mundon më shumë
AS që pyes fare nga turpi
Mua për ty,më zë me shkumë.
Ja,ta thashë… tani nga larg
Nga larg,kush nuk u bë trim?
Mall,o mall, me shpirtin plagë
Veç tek ty gjen shërim.
Tiranë,26 prill 2022
“”””””””””””””””””””
DUA T’I NJIHNI MIQTË E MI
Dua t’i njihni miqtë e mi
(se unë miqtë i zgjedh vet)
Që të dy janë shpirtflori
Të moshuar: intelegjentë!
Më i “riu”,tetëdhjetë e gjashtë vjeçar
Është DURO MUSTAFAI!
Gazetar.poet, shkrimtar
Ka një shpirt: behar e maj!
Ballas meje: BABUSH MURATI
Publicist dhe gazetar
Sado tetëdhjetë vjeç vajti
Ka një shpirt si djaloshar..
Që të dy, këta “riosh”
As i ndërroj me njeri tjetër
Me këta unë bëhem”djalosh”
Dhe harroj që jam i vjetër..
Miqtë e mi vazhdojnë e shkruajnë
Përjetimet vënë në libra
Gjithë njerëzit të dy i duan
Shpirtbeharë që përzënë dimra.
