PORTRETI YNË I DENJË!
Ka kohë t’kam pritë,
Në Odën e Pajtimit
Me Kuven(d)ue me Ty.
Ka kohë t’kam pritë,
Oj kangë e moçme
Shekull(ar)i…
Shkruar me gerrma Ari…
Ty qe i dhe themele Kullës,
E vjetve Frymë e Rrënjë,
Portreti ynë i Denjë.
Ka kohë të kam pritë,
Në Odën e Pajtimit
Me kuven(d)ue me Ty.
Pa Ty, as Oda(t) e Kullës,
S’e ka(në) ngjyrën
E Kuven(d)imit,
As fjala
E kënga emrin e vet,
Profesor Anton Çetta,
Pajtor Arb’nor i vertetë…
Ka kohë t’kam pritë,
Në Odën e Pajtimit
Me Kuven(d)ue me Ty.
Portreti ynë i Denjë!
(L.M. 1 maj 2021).
“””””””””””””””””””
VENDLINDJA IME
Vendlindja ime,
Mbetet e mirë,
Edha pa pleq…
E njerëz të dëlirë.
Zotërohej zëri,
Dhe Dija e Parë,
Në Kulla dikur,
Burrat plisbardhë.
Vendlindjën time,
Trevën e Ilirikut,
“Paria” e zh’bëri,
Surrogati “mikut”.
Vendlindja ime,
Mbetet e mirë,
Edha pa pleq…
E njerëz të dëlirë.
(L.M. 30 prill 2022).
“””””””””””””””””””””””
BOGDANI (S)ËSHTË VETËM I GURIT HASIT
Bogdani (s)lindi për Gur të Hasit,
Bogdani(s)jetoj për Gur të Hasit,
Bogdani (s)ndriçoj për Gur të Hasit,
Bogdani (s)shkroi për Gur të Hasit,
Bogdani (s)foli shqip për Gur të Hasit,
Bogdani (s)bëri lutje për Gur të Hasit,
Bogdani (s)luftoj për Gur të Hasit,
Bogdani (s)rënkoj për Gur të Hasit,
Bogdani (s)vdiq për Gur të Hasit….
E mbre’theu “danga” përdhe në thellësi,
Eshtrat ia “shk’rryen” qentë e “vatanit”,
Në të tretën ditë t’ringjalljes n’përjetësi,
Lavdia e Trinomit Arbnor-Pjetër Bogdanit.
Bogdani (s)është vetëm i Gurit të Hasit,
Hasi i Gurit (s)është vetëm i Bogdanit…
(Ps: Një reflektim poetik dedikuar Pjetër Bogdani të cilit dje në Krume të Hasit para mijëra pjesmarrësve i është inauguruar busti i kolosit të Shqiptarëve)
