MANIFESTIMI TRADICIONAL KULTUROR
“DITËT E AGIMIT 2022”
Dje me 3 Maj 2022 në Zhegër përfundoi Manifestimi Tradicional Kulturor “Ditët e Agimit 2022” në Zhegër vendlindja e Agim Ramadanit .Në kuadrin e këtij manifestim u festua edhe dita e shkollës që mban emrin e heroit AGIMI RAMADANI, i cili ra heroikisht në Kosharën Legjendare, me 11 prill 1999, për të mos vdekur kurrë në përballje me forcat serbe..Agimi me bashkëluftëtarë ku edhe ndryshoi historinë, krismat e tij shkulën gurin makabër, që për një shekull na ndau me shtetin amë Shqipërinë. Agim Ramadani, lindi me 3 Maj 1963, kjo datë konsiston si datë që festohet çdo vit edhe si dita e shkollës. Në kuadër të Manifestimit Tradicional Kulturor “DITËT E AGIMIT”, u shfaq program shumë i pasur kulturo – artistik nga nxënësit që i kënaqi të pranishmit. Programi qe vërtet nevojë, pasi që për dy vite nuk ishte organizua dita e shkollës për shkak të Pandemisë. Programin e moderuan dy nxënëse të shkëlqyeshme të kësaj shkolle, të cilat në fillim pas intonimit të himnit i përshëndetën të pranishmit dhe të pranishmëve i dëshiruan mirëseardhje për festën e ditës së shkollës.
Drejtori i shkollës z.Rrahman Agushi, me një fjalë rasti hapi këtë manifestim. z.Rrahman në fillim i falenderoi të pranishmit për pjesëmarrje dhe përshëndeti stafin e shkollës bashkë me Zëvendës Drejtorin që u angazhuan në bashkëpunim me këshillin organizativ për manifestim, në përgatitjen e programit kulturo artistik. z.Rrahman Agushi, me një kronologji të shkurtër përshkroi historikun e kësaj shkolle, sukseset dhe mbarëvajtjen e procesit edukativo arsimor, që vërtetë ishin shumë inkurajuese, kjo u duk edhe gjatë programit që u shfaq, ku ishte bërë një punë shumë e madhe edhe pse e mundimshme, po me shumë vleraartistike, ashtu siç e meriton heroi komandanti Agim Ramadani. Një përshëndetje e veçantë e bëri për familje familjen e heroit Agim Ramadani, pastaj drejtoreshën e DKA-së Selvete Sylejmani, të cilës iu dha fjala për ta përshëndetur manifestimin. Pastaj iu dha fjala Shukrije Ramadanit, bashkëshortes së heroit të Agim Ramadanit .
Ajo përshëndeti me një fjalë rasti, e cila i falënderoi të pranishmit, posaçërisht stafin e shkollë dhe të gjithë organizatorët e këtij manifestimi, për nder të 3 majit ditës së shkollës që mban emrin e heroit “Agim Ramadani “për këtë organizim të shkëlqyeshëm .Pas fjalimeve filloi programi kulturo artistik me valle recitime nga nxënësit e po kësaj shkolle që u përcjell me shumë kënaqësi nga; nxënësit, prindërit mysafirë të shumtë të ftuar . Është për tu cekur se teknika e zërimit ishte në nivel shumë të lartë për çdo lëvdatë, në fund për të pranishmit u shtrua një koktej . Për gjithë mbarëvajtjen e programit pas pak ditësh, do të keni rastin të përcillni programin nëpërmes videos që do të shpërndahet në kanalin tim të YOUTUB-ës ROGAN 2022.
Me respekt :Prof. Gani Kryeziu
“””””””””””””””””””””””””””””””””
„LULËKUQET E PRILLIT „
Jeta Kulturore në qytetin e Dardanës, sot me 30.04.2022 e shtunë nga ora 12.00 u përmbylli Manifestimi ‘’Lulëkuqet e Prillit’’,ngjarje kulturore që përkujton historinë e re të luftës për liri. Në orën letrare që u mbajt në Shtëpinë e Kulturës ‘’Isa Kastrati’’ ,morën poetë nga të gjitha trevat shqiptare . Me këtë rast u komunikuan edhe rezultatet e konkursit anonim, si dhe poezia më e mirë e orës letrare. Manifestimi kombëtar’’Lulëkuqet e Prillit‘’,këtë vit ishte ndër më të bagatshmit, sepse në konkurs arritën punime të konsiderueshme dhe vlera e tyre ishte kënaqshme sipas vlerësimit të jurisë.
Kryetari i Komunës z. Kadri Rahimaj, përshëndeti të pranishmit, duke theksuar se aktivitet kulturore e sidomos këto letrare janë të rëndësishme, sepse shkrimtarët që nga Rilindja Kombëtare kanë mbajtur gjallë frymën liridashëshe të popullit në të gjitha periudhat historike. Edhe sot fryma e lulftës për liri e UÇk-së ka jetësua ëndrrën për liri të Kosovës. Prania e drejtoreshës së Kulturës , Rinë Matoshi i dha përkrahje aktiviteteve të kulturës e Klubit Letrar ‘’Nositi‘’, i cili ishte organizator i këtij manifestimi. Në orën letrare punimet e tyre i lexuan poetët nga të gjitha trevat tona. Fjala artistike e shkrimtarëve i dha frymëmarrjen e lirisë qytetit të Dardanës.
Kryetari i Klubit letrar’’Nositi’’ Nexhat Rexha, në pronocimin e tij për këtë ngjarje tha; se fjala artistike i ka dhënë rrezatim e ngrohtësi qytetit tonë. Juria e konkursit letrar “Lulëkuqet e prillit” 2022 në përbërje: Prend Buzhala, Sabit Rrustemi dhe Sinan Sadiku vlerëson se konkursi letrar ishte i suksesshëm. Juria është e kënaqur me nivelin artistik të poezive dhe ka vendos që t’i ndajë të tri çmimet e parapara në konkurs. 1. Vendi i parë, “Nostalgji”, shifra “Daphne” 2. Vendi i dytë, “Me të dasht si nyje”, shifra “Lolita” 3. Vendi i tretë, “Rapsodi shqiptare në tri pamje”, shifra “Ulpiana” Juria ka vendos të shpërblehen tregimet: 1. Vendi i parë, “Mbrapakthim i nji stine”, shifra, “Krerëz” 2. Vendin e dytë: “Djali me violinën e krisur”, shifra “Feniksi66” 3. Vendi i tretë, “Ora e zemrës”, shifra “Ritme jete” Ndërkohë do të publikohen edhe titujt dhe shifrat e punimeve të cilat juria ia ka rekomanduar për botim redaksisë së revistës letrare kulturore “Nositi”. Juria e orës letrare në përbërje: Prof. Dr. Hysen Matoshi, Selvete Avdullahu dhe Burhanedin Xhemaili e përzgjodhi poezinë më të mirë të lexuar në orën letrare. Ajo ishte “Kokë e madhe” e autorit Sulajman Dërmaku. Moderatorja , Belgizare Kryeziu në emër të Klubit letar ‘’ Nositi’’
Falenderoi Kryetarin Kradri Rahimaj për mbeshtjete të manifestimit ‘’Lulëkuqet e Pillit’’, si dhe falënderim për ndihmën e pakursyer të ndërmarrjes’’Vëllezërit Borovci’’SHPK në Kamenicë, të cilët po e mbajnë gjallë frymën e kuklturës në shumë fusha në qytetitn e Kamenicës. Puna e pa lodhshme e z. Gani Kryeziu, po e krijon arkivimin më të mirë përmes syrit të kamerës në këto ngjarje kulturore. Manifestimi kulturor e kombëtar ‘’Lulëkuqet e Prillit’’, po ruan e kultivon vlera të çmuara të thesarit kulturor,si dëshmi e begati nëpër zhvillimet e proceset e rrjedhave politike e shoqërore.Ne fund te manifestimit për mysafire u shtrua drekë ne hotelin “ Jehona” ne Dardanë
Falenderoi Kryetarin Kradri Rahimaj për mbeshtjete të manifestimit ‘’Lulëkuqet e Pillit’’, si dhe falënderim për ndihmën e pakursyer të ndërmarrjes’’Vëllezërit Borovci’’SHPK në Kamenicë, të cilët po e mbajnë gjallë frymën e kuklturës në shumë fusha në qytetitn e Kamenicës. Puna e pa lodhshme e z. Gani Kryeziu, po e krijon arkivimin më të mirë përmes syrit të kamerës në këto ngjarje kulturore. Manifestimi kulturor e kombëtar ‘’Lulëkuqet e Prillit’’, po ruan e kultivon vlera të çmuara të thesarit kulturor,si dëshmi e begati nëpër zhvillimet e proceset e rrjedhave politike e shoqërore.Ne fund te manifestimit për mysafire u shtrua drekë ne hotelin “ Jehona” ne DardanëProf.Gani Kryeziu.
Dardanë 2022.
