PËR NJERËZ TË TILLË KEMI NEVOJ.
– Në promovimin e librit tënd do vijmë të gjithë siç mblidhemi përditë në Qafën e Pazarit,- më garantoi pjesmarrjen miku im,profesor Kristo Ndrico.
Për intelektualët e qytetit ,Vaso Lilin ,Thanas Dinon dhe Raq Paskalin,isha i bindur që do më nderonin ,se ishin njerëzit e shquar të letrave në Gjirokastër.
– Edhe Genci do vijë patjetër,- më tha Kristua kur do të ndaheshim me njeri – tjetrin.Është ekonomist ,- vazhdoi profesori.
– Po unë s’kam mbledhje kooperative,o profesor!
Është Genci Kutra,- vazhdoi ai.Ka mbaruar jashtë shtetit,është njeri me kulturë dhe është djali i profesor Sokrat Kutrës.
– Le të vijë !- i thashë prof.Kristos.Për njerëz të tillë kemi nevoj.
Fabul
NËNVLEFTËSIMI
Çatia nga një e çarë pikonte,
dhe shiu binte te një tra.
I zoti shtëpisë të ngjitej gjer lartë përtonte,
ndaj ashtu e la.
Një ditë ai e pa keq,
dhe nisi që t’a vlerësonte këtë gjë.
Por ç’e do se çatia kish dalë jashtë përdorimit krejt,
dhe trari qe kalbur e s’mbante më.
“”””””””””””””””””””””
ROMJA
Sot kishte një buzëqeshje më pak,
se ishte grindur keq me burrin.
Por prapë me të u bënë bashkë,
në një anë lumi.
Thyhet shelgu që varet si loti i saj,
nga duart e romes ,delikate.
Kjo ditë sot sa shumë do mbajë,
sa shumë grindje dhe inate.
Sa buzëqeshje asaj i mbenë të ngrira,
të tilla mbenë te romja sot.
Se s’ikin lehtë disa të nxira,
nga një dhunë pa shkak të fortë.
