I Dua Ëndrat
Një parandjenjë e hidhur më mundon
Dhe brënda gjoksit zemra dridhet
Kjo natë gjumin po ma largon
Me dhimbjen që lëmsh në grykë mblidhet
Vonon agimi dhe ëndrat më braktisin
Duke më lënë vetëm në terr
Buzët duke u dridhur pëshpërisin
Fjalë të hidhura tërë vrer
Do ta doja shumë një ëndër të bukur
Të më zgjojë herët në agim
Në dritare mbi një lule ulet një flutur
Që ngjan aq shumë me shpirtin tim …….
“””””””””””””””
( Motres sime të dashur , të shtrenjtës sime Flora Rexha që me mungon shumë)
I miss you 
Eh, ti moj jetë, vetëm na dënon
Dhe në çastet e fundit të udhëtimit
Në heshtje ikim dhe çdo gjë mbaron
Dhimbje na lë prej zhgënjimit.
Mjaft në jetë derdhëm lot
Dhe faqet skuqen e ndizen flakë
Me radhë do ta lemë ne këtë bot
Dhe mos ankohemi që rrojtëm pakë
Iku e mira ime ashtu pa pritur
Dhe dhimbja u dyfishua
Fundin kurrë s’kemi për ta ditur
Ndaj zemër vrarë ikim e të helmuar
