Më 21 tetor 1790 ka lindur Alphonse de Lamartine – është një poet, romancier, dramaturg francez, si dhe një personalitet politik që mori pjesë në Revolucionin e shkurtit 1848 që shpalli Republikën e Dytë.
Pjesa më befasuese e veprës së tij janë poezitë plot ndjeshmëri me temat romantike të natyrës, vdekjes, dashurisë etj.
Ai mbetet, i admiruar gjerësisht për fuqinë e gjenialitetit dhe pa dyshim është ndër poetët më të mëdhenj francezë të shekullit XIX.
Në librin e Alphonse de Lamartine me titull “Histoire de la Turquie II – Historia e Turqisë II”, botuar në Paris në 1862, gjendet një përshkrim i veçantë për heroin tonë kombëtar, Gjergj Kastriotin, ku ndërmjet të tjerave thuhet:
“Skënderbeu nuk ishte vetëm një konspirator gjakatar, një dezertor i pabesë; ai ishte gjithashtu një hero dhe një politikan. Ai e pa stuhinë që kishte tërhequr në vendin e tij, dhe u betua ndaj popullit të tij që të shlyejë krimin e tij deri në fund… Disa mijëra shqiptarë, më të kaliturit, u vendosën prej tij, si më parë grekët në Termopilët (Termophyles), që t’i bllokonin ushtrisë osmane grykën e ngushtë dhe të thellë që ngrihet nga Maqedonia në Epir’’
