Publikoje Gj.Musa
Kroaci/ Shqiptarët në Zarë në ndihmë të familjeve të dëmtuara nga tërmeti.
Këshilli i Pakicës Shqiptare të Zarës është angazhuar për të ndihmuar familjet e prekura nga tërmeti i fuqishëm që goditi Kroacinë.
Këshilli u bëri thirrje të gjthë shqiptarëve të qytetit Zarës dhe të prefekturës Zarës që të tregojnë humanizmin dhe bujarinë e tyre duke dhënë ndihma në veshmbathje dhe ushqime për familjet e dëmtuara nga tërmeti i rëndë që goditi qytetin Petrinja.
Ky këshill ka marrë inisiativen e organizimit, grumbullimit dhe dërgimit të këtyre ndihmave për familjet e dëmtuara nga tërmeti i rëndë që goditi këtë qytet.
Në një njoftim, Këshilli i Pakicës Shqiptare të Zarës, bëri të ditur se me datë 30 Dhjetor 2020, nga ora 14:00 deri në orën 20:00, një numër i konsiderueshëm mjetesh do të jenë të parkuar para Metro në qytetin e Zarës. Përfaqësues nga ky këshill dhe vullnetarë të tjerë do të jenë aty për t’i grumbulluar keto ndihma dhe dërguar në Petrinja.
“Ështe rasti që ne shqiptarët si gjithmonë në histori, ta shpalosim dhe një herë bujarinë tonë humane për njerëzit në nevojë”, shprehen përfaqësues të këshillit.
