“Ti moj bukuri e rrallë..
Moj e mira zanë e malit
Si ja more mendjen djalit?
Avash dhe shtruar -shtruar
Si thëllëzë duke kënduar!
Ti moj bukuri e rrallë
Si e marrose atë djalë?
Si fllad vrapoja fushës
Erë jasmine i lija gushës!
Moj sorkadhe e sokakut
Djalit j’a sose merakun,
Mua të më bëj për vete
Duhet t’kaloj male e dete!
Moj çapkëne lozonjare
Djalin na e çmënde fare,
Sa të pa djali me sy
tha:-të marr, o vdes për ty!
19/04/2021
Margarita Zeneli.
“Gushëkuqi…
Një zog i vogël
më erdhi në brazdë
ciu-ciu cicëroi
mu afrua pranë!
Sa i bukur ishte
me puplat ngjyrë gri
gusha tij e kuqe
sytë ngjyrë ulli!
Me mua po rrinte
si të ishim shok
nuk kishte as frikë
të dy rrinim tok!
Kur e përshëndeta
me cicërim më ktheu
afër m’u afrua
miqësinë e ndjeu!
Biseduam bashkë
si dy shok të mirë
u gjendëm gëzuar
në të njëjtën hapësirë!
Fluturoi gushëkuqi
te foleja vjetër
me cicërim më tha
do kthehem patjetër!
Margarita Zeneli
14/04/2021
