Krijues; poetë e artistë të bashkuar më 25 shtator 2021, ora 11.00 në katin e 14-të të Kafes Rosa Blu në G-Kam Tower, Tirana, Albania, si çdo vit të shtunën e fundit të shtatorit në eventin mbarëbotëror “100 mijë Poetët për Ndryshim” deklamuam nga një poezi, për të ndryshuar sado pak fenomenet negative të shoqërisë, për të ardhmen më të mirë e të sigurt të fëmijve tanë, nën motion -Të mos heshtim –
Ashtu si thotë Shenjtore Nënë Tereza – Ne nuk mund të bejmë gjëra të medha, por mund të bëjmë punë të vogla me dashuri të madhe – E tillë ishte edhe veprimtaria jonë.
Ka mjaft veprime konkrete që të gjithë mund të bëjmë për të filluar ndryshimin.
Ngritja e vetëdijes për format e ndryshme të dhunës ndaj grave dhe dhunës në familje është element i rëndësishëm sepse vetëdija e rritur është hapi i parë drejt ndryshimeve të qëndrimeve dhe sjelljeve që nxisin ose lejojnë forma të ndryshme të dhunës ndaj grave.
Fatkeqsisht në Shqipërinë tonë gjatë këtyre 9 muajve janë vrare 16 gra të dhunuara nga bashkëshortet. Ndaj nuk duhet të heshtim për fenomene të tilla.
Eshte viti i 11-të që ne mbështesim idenë e iniciuar nga Michael Rothenberg e Terri Carrion për të frymëzuar komunitetin global të poetëve, që të mblidhen së bashku jo në një vend të vetëm, por në një ditë të vetme, të bëjnë poezi për hir të çfarëdo lloj ndryshimi që ata besojnë se është më i nevojshëm, në nivel lokal, kombëtar e në të gjithë planetin.
Fatkeqsisht jemi bërë të huaj për njëri tjetrin në vitet e fundit e vështirë ti njohim fqinjët tanë nëpër rrugë, e jo më poetët e tjerë, të cilët jetojnë dhe ndajnë shqetësimet tona në vende të tjera.
Ndaj ne duhet ta ndiejmë këtë lloj solidariteti global, duke menduar se do të sjellim një ndryshim të vogël në komunitet nëpërmjet motos: “Jemi të gjithë ëngjëj, le të bashkojmë krahët në fluturimin tonë drejt së ardhmes, duke protestuar kundër padrejtësive sociale, papunësisë e dhunës ndaj grave, për një familje të shëndoshë në një shoqëri të shëndetshme!”
