Si në cdo fushë tjetër, Shqipëria, në ish sistemin e kaluar ekonomiko – shoqëror, ka patur personalitete të mëdha edhe në Industrinë tonë të naftës dhe atë minerare, një nga më kryesorët e të cilëve është Zenel Hamiti.

Për efekt të moshës më të re, unë nuk e kam njohur nga afër Zenel Hamitin, e di që ka qënë patriot I njohur i fshatit Radhimë Vlorë dhe partizan i orëve të para në Luftën Antifashiste Nacional Clirimtare, rreshtuar në Brigadën e V të Sulmuese me detyrë Komisar Batalioni dhe doli nga lufta me detyrën e Komisar Brigade të një brigade tjetër më të re, e që pas clirimit ka qënë I ngarkuar gjatë me detyra të rëndësishme në naftë, ku vecohen dy prej tyre: detyra Drejtor I Kombinatit të Naftës Kucovë, I pari, që u pasua pastaj nga Xhafer Spahiu, Shyqyri Këllezi, Prokop Murra, Kico Kasapi e Ramiz Xhabia, si edhe më von detyra e zëvëndës Miinistrit të Industri Miniera (pjesë e të cilës ishte edhe nafta) deri në vitin 1975, ku edhe ai e pësoi nga sistemi, megjithëse nuk ishte I lidhur me përgjegjësi për sistemin e naftës në atë kohë.

Kur isha nxënës në shkollën e mesme Teknikumi I naftës Kucovë në vitet 1961- 1965 apo student në fakultetin Gjeologji Miniera në Tiranë në vitet 1965-1970, mund ta kem parë në ndonjë takim në Kucovë apo në fakultet, ku më tepër se gjithëshka më binte në sy pamja e tij e pashme e burrërore, ndërsa kur unë nisa punën në naftë në vitin 1971 dhe ai mbante postin e zëvëndës Ministrit nuk mu dha rasti ta takoje ndonjëherë.

Tani në kohën e demkracisë 30 vjecare, ku liria e informacionit dhe e sigurimit të saj u bë e plotë, nga shtypi, librat kujtimore apo historike, media e facebook dëgjova e mësova shumë gjëra për kontributin dhe meritat e mëdha të Zenel Hamitit në Naftë.

Një nga burimet kryesore të këtyre dijenive për mua është naftëtari I vjetër, Luci Pleqi, me përvojë të gjatë në naftë e në drejtimin e shërbimit gjeologjik të disa institucioneve të saj e mbi të gjitha të Institutit gjeologjik të naftës Fier në vitet 1975 – 1979, I cili përvec të tjerave më ka thënë që Zenel Hamiti ka qënë një personalitet i ndritur i industrisë së naftës dhe asaj minerare, prandaj shoqata e gjeoshkencave me kryetar Thanas Dede nuk mund ta lejonte që 85 vjetori I lindjes së tij të kalonte në heshtje, sikurse kishte ndodhur që pas viti 1975, dhe në korrik të vitit 2003, e nxorrën nga harresa dhe organizuan një event përkujtimor e përjetësues të veprimtarisë e kontributeve të paharruara të tij, me pjesëmarrje të gjërë të mjaft kolegëve, inxhinjera miniere e të gjeologjisë minerare e të naftes, ish drejtues të strukturave e institucioneve të ndryshme të industrisë miniera, naftë e gjeologji e të ministrisë së kohës, si ish zëvëndës ministrat Llambi Gegprifti, Martln Cukalla, Shahin Ruka si edhe akademiku Teki Bicoku, ku përvec kumtesave, kanë diskutuar e shprehur mbresa e kujtime për ish drejtuesin e tyre, për ish zv. Ministrin Zenel Hamiti edhe Thanas Dede, Luci Pleqi, Thanas Gjata etj, në të cilat është shprehur dhe dokumentuar veprimtaria e madhe dhe e ndritur e Zenel Hamitit si inxhinjer gjeolog dhe drejtues në naftë e në miniera, me kontribute të mëdha në zhvillimin e këtyre dy degëve të rëndësishme për ekonominë, veprimtari e gjitha e filmuar.

Nisur nga dëshira profesionale dhe qytetare që figurat e ndritura të këktij vendi të mbesin të dokumentuara në arshivat e shtetit e të historisë së tij, si edhe te marrin cmimin e meritës, po postoj këtu kërkesën tone publike për dy gjëra:

1. Meqënëse deri tani, megjithë përpjekjet tona, nuk kemi mundur ta gjejmë këtë film, edhe për faktin që organizatori e rregjistruesi i takimit, i ndjeri Thanas Dede nuk jeton më, do tju luteshim kujtdo, të gjithë frendsave të fb e kujtdo tjetër që mund të dijë ose të bjerë në kontakt me këtë postim që të na japin cdo info që na con tek te gjetja e këtij filmi

2. Për të ndricuar me gjerësisht figurën e Zenel Hamitit dhe vlerësimin e tij për kontributet e shkëlqyera profesionale e shtetërore, do të kërkonim opinione të të gjithë atyre që e kanë njohur Zenel Hamitin si inxhinjer gjeolog, dejtues e njeri në ish sistemin e kaluar si edhe mendimet e tyre për promovimin e tij të merituar për shërbimet e mëdha ndaj atdheut.

Opinionet, komentet, propozimet dhe cdo ide tuaj, mund ti jepni në facebook ose nëse doni privatisht, në email novruzlimaj@yahoo.co.uk ose celularin tim 0694016027.

Cdo naftëtar, minator e qytetar I këtij vendi duhet ti evidentoj dhe ngrejë pedestalin që meriton kujtdo kontributori realisht të madh të këtij vendi.