BUJTINË E PASHKELUR…
Përrejt shtegëtuar,
yjësish vallëzojnë,
vallzojnë humbuar,
humbimit pulsojnë…
Pulsimit mërgata,
në udhë përflakur,
përflakjesh…nata,
shurdhimit plakur…
Pas kreshte strukur,
një shteg pa shkelur,
pa shkeljes zhdukur,
rob zhdukjes ngelur…
Përrejt shtegëtuar,
yjësish rrugëtojnë,
rrugëtojnë harruar,
harrimesh shkojnë…
Luan Sheshi: 30 mars 2021…
“”””””””””””””””””
LOTON TRËNDAFILI…
Loton….trënfafili,
me gaz nën vesë,
mban ison bilbili,
me zë,pa përtesë…
E rrezja e zgjatur,
kap hone drit’hije,
vesim i pamatur,
dhuratë perëndie…
Në cak të durimit,
pas nata mistrece,
në kut të harbimit,
pik-lotësh memece…
Loton…trëndafili,
i dendur nën vesë,
zgjat këngën bilbili,
refrenit…sjell ftesë…
Luan Sheshi: 29 mars 2021…
“”””””””””””””””””””””
NËN RREZE PRANVERE
Nën rreze pranvere,
shtegëtimet harruar,
zhurmimet pas dere,
nën tinguj dashuruar…
E qeshur një lëndinë,
e përkundur një valë,
e çmendur një luginë,
e pashkruar një fjalë…
E fjalët keq marrosur,
harbuar prej sythimi,
zvarr Dimri plagosur,
mret sofre shpëthimi…
Tufë rrezesh habitur,
lundrojnë varkë qielli,
gjethimi krejt papritur,
ngren sytë…nga Dielli…
Luan Sheshi: 28 mars 2021…
