Një foto e rrallë e tim eti , Kostandin Nikolla ( mjeshtri Kosta , gjyshi Koci ) , dalë më 1938 në Selanik .
Babi , ti rron në zemrat e vajzave , të mbesave e nipërve , të stërmbesave dhe të stërnipve të tu … !
Një anekdotë nga libri ” Bezhani ” i poetit dhe shkrimtarit të mirënjohur , profesor Vangjush Ziko :
JA KU JAM UNË
Jorgji Niço dhe Kostandin Nikolla kishin vajtur në kurbet , punonin bashkë , vinin bashkë në kafene .
Kostandini ishte i bukur dhe kishte tërhequr vëmendjen e greçkave .
Kur qëllonte që Jorgji vinte vetë , greçkat e pyesnin :
— Ku është Kosta ?
— Ja ku jam unë , iu përgjigjej Jorgji .
— Ne po pyesim për Kostën , — i thoshin ato duke qeshur .
— Kot e kërkoni . Nuk e kini për gjë atë .
Kostandini ishte i heshtur dhe jashtë mase i ndrojtur .
