ZEMRA ËSHTË BURIM JETE
Këndoni dashurisë
Me zërin e zemrës
Këndoni prej shpirti
Me dashuri prej ndjenjës
Flisni nga dashuria
Me gjuhën e shpirtit
Dëgjojeni zërin e zemrës
Është i vetmi burim në rrugën e jetës
Kur lotët iu pikojnë nga sytë
Mos ndiheni keq para askujt
Se loti është vlerë e shpirtit të dëlirë
Është ndjenja e njerëzve shpirtmirë
FK
21. 6.2021
“”””””””””””””
UNË DHE VARGU
Kur shkruaj
E ushqej shpirtin tim të njomë
Sa herë vlerësohem nga ju
Jam me fat dhe ju dua
Vargjet janë ilaç për shpirt
Të kënaqet zemra edhe sytë
Sa herë ndihem e vlerësuar
Marr frymëzim prapë për të shkruar
Sa herë shkruaj për shpirtin tim
Mendimet për ju më ngacmojnë
Ju dua shumë dhe iu çmoj
Unë dhe vargu pa ju s’jetojmë
FK
20. 6.2021
“”””””””””””””””””
ME ZËRIN E DASHURISË
Nuk dërgohet letër pa adresë
S’ka njeri që nuk ka emër
Nuk jetohet as pa shpresë
S’ka as dashuri pa zemër
Nuk këndohet pa shpirt e zemër
Emocionet kanë shumë rëndësi
Nëse n’shpirt s’na prekin ndjenjat
Pse të këndojmë për dashuri
Nëse vargu s’të prek në shpirt
Ndjenjat nga gjumi nuk na zgjojnë
Pse t’i shkruajmë dashurisë
Nëse pa ndjenja i këndojmë
Në çdo këngë e poezi
Në çdo varg për dashuri
Faljani shpirtin këngës e melodisë
Jepjani ndjenjën zërit të dashurisë
FK
19. 6.2021
