EDHE 100 JONA! GËZUAR DITËLINDJEN!
Mirmëngjes miqësi!
Ju uroj nga plazhi Spillej, një ditë të këndshme. Kënaqësi është të pushosh pranë detit Adriatik me familje, miq e të afërm.
Dinamika e ditës mes njerëzve të dashur nuk ndjehet.
Çdo ditë nga një sebep na bashkon të gjithëve në kafenë e mëngjesit në barë kafen “Boomerang-GUEST”, buzë deti dhe në mbrëmje të pijmë nga një kanaçe birrë pa alkol e pije freskuese, në ambjentin e akomoduar enkas për pushuesit nga Hotel “Basha”, të cilin e frekuentojmë prej 10 vjetësh.
Me 22 korrik, mbesa Brunilda pati ditëlindjen, festuam sëbashku, një ditë më pas uruan daljen në pension të bashkëshortes sime. Sot me 24 korrik u mblodhëm të festojmë ditëlindjen e Jonës, bashkëshortja e djalit të vëllait Ermal Basha.
I urojnë Jonës edhe 100 vite të lumtura baba Kadriu, nëna Leta, teze Serja e Vera, daja Afrim me bashkëshorten Elvana, kushuri Besmiri, nipër e mbesa.
Jetë të lumtur Jona sëbashku me bashkëshort Ermalin dhe princeshë Adorën!
Urime!
Nexhbedin Basha
24 korrik 2021
“”””””””””””””””””””
PERENDIMI I DIELLIT NË DET…!
Sa bukur duket deti në perendim të diellit,
Ai ngjan me një lëmsh të zjarrtë në sfond,
Poeti i nxitur nga muza ngjyn penën të shkruaj,
Si piktori që pikturon në telajë diellin në horizont.
Aty ku valët përkunden me qetësinë,
Nën pentagramin e tyre zë gjumi princesh Adorën,
Bregu pushtuar nga plazhistët në gara mediatike,
Si kameraman e fotograf fiksojnë lëmshin e zjarrtë.
Buzë mbrëmjeve valët oshtijnë si avion,
Bregu ka mysafir miq që shijojnë jodin e detit,
Perendimi i diellit është dehës si vera e kuqe,
I zjarrtë nga çiftet që dashurohen si të marrë.
Peshkatarët hedhin grepin të kapin peshk,
Si te “Plaku e Deti” i Hemangueit,
Dielli ul rrezet e arta dhe struket pas detit,
Duke ja lënë vendin e tij muzgut të mbrëmjes së qetë,
Në këtë verë të nxehtë që djeg si prush,
Buzëmbrëmjet buzë detit ndriçojnë si yjet në qiell,
Nën hijen e pishave thithim aromën e rrëshirës,
Tek trokasim gotat, jeta rrjedh si lumë.
