S’KA NDALJE
Ulëron qielli dridhet toka,
ngado rropamë dridhet e tërë bota…
Ne nuk ikim nga ky tërmet,
hapi ynë më shumë buçet!
S’ka ndalje s’ka barrikada,
që nga agimi derisa vjen nata.
Aeroplanët s’na bëjnë gjë,
forcë na ngjallin edhe më…
Kemi forcë e kemi emër,
kemi Atdhe e kemi zemër.
Nder i vendit e kuvendit,
madhështi e gjithë vendit.
Dhe për nder kësaj Force Sigurie,
buron krenaria e gëzimi.
Rregulla që secili t’i mësoj,
që Atdheun më shumë ta dojë…!
12.10.18
Hamburg
“””””””””””””
KA ARDHUR KOHA – SHIHEN GJËRAT
Ka ardhur koha, shihen gjërat,
s‘mbahet kolltuku
mbi shpinë të tjetrit.
Rrush për gogla
i blehet miletit.
Mish për topa
i gjuajtën në gropa,
një e nga një, shumë,
sot duhet hapur gjyqe,
t‘shihet faji gjer në fund.
Kush ka njolla gjaku,
duart s‘i lahen kurrë,
për mashtrim edhe me tej
do t‘i ikën meraku, mbaron,
gjeli tash këndon këngën.
Pasuria ju erdhi për një natë.
Me rroba t‘lyera, t‘vjetra
erdhën kokëngritur n‘Prishtinë,
por liria u bë gropa, gropa,
liri mashtrimi, plot gjak të zi…!
“”””””””””””””””””””””””””””
