PËR TY KAM VEÇ PLAGË E DHIMBJE !
(Kushtuar nanës time në përkujtim te 5 vjetorit te ndarjes nga jeta )
Acar e puhizë dëbore kishte atë natë !
Dhe për pak çaste krishti do lindte !
Engjëll drejt qiellit ti u ngjite lart
Ishte nata e fundit për ty ,ajo Krishtlindje !
Atë natë kur ike ti !
Dhe hana nuk kishte ndriçim !
Ah nana ime ,lotin ma le n’sy
E dhimbjen brenda shpirtit tim !
Bashkë me vuajtjet e kësaj jete !
Ike e mjera nana ime !
Në dhe’ të tokës ti u trete !
Për ty kam veç plagë e dhimbje !
Dava Gjoka Lleshaj ,Tiranë 25 Dhjetor 2019
“””””””””””””””””””””
ME KË TA NGREMË DOLLINË SONTE ?!!!
Me kë ta ngremë sonte këtë dolli ?!
Se Bota nuk është unë ,ti ,ajo
Ku i kemi miqtë unë edhe ti
Ku janë sonte ata e ato ?!
Me kë ta ngremë sonte një dolli ?!
Ku janë njerëzit që unë i dua ?
Se Bota nuk është veç unë e ti
Sonte ,gjithë Bota më mungon mua !
Me kë ta ngremë sonte dollinë ?
Në tavolinën shtruar, veç unë e ti
Gotat me kë t’i cakërrimë ?
Apo me heshtjen e ne të dy !
Të dy bashkë sonte do e ngremë dollinë
E ta çojmë urimin në fund të Botës
Se do ta ruajmë dashurinë
Sa t’i bjerë Dielli , Tokës !
Dava Gjoka Lleshaj, Tiranë 25 Dhjetor 2020
“””””””””””””””””””””””””””
LUTJE PËR KRISHTLINDJE !
O i lumi Jezu’ Krisht
Po të lutem në ditën e lindjes tënde
Shëroje Botën ,Ti , shpirtërisht
Dëgjoma lutjen që m’del prej zemre
Të lutem në emër të gjithë njerëzimit
Me të krishterë e muslimanë
Na i shëro plagët e trishtimit
Se një zot kemi të tanë
O i lumi Jezu’ Krisht
Na e largo të keqen nga dera
Dhe thikën e ngulur në misht’
E lulet më t’bukura t’na i sjellë Pranvera
O i lumi Jezu’ Krisht
Na jep paqe e mirësi
Shëroje Botën shpirtërisht
E largoja njerëzit e këqinj
Sot ,në ditën e lindjes tënde
Po të lutem me gjithë shpirt
Shërona plagët e kësaj zemre
Unë, njeriu yt , të lutem e të falem në këtë ditë
