Yje
Konstelacione të magjishme,
në errësirë të kthjellët
vere a dimri.
Shfaqje të papërsëritshme hijesh
të gjata,
të shkurtra,
të rrumbullta,
thatime…
në mëngjeset me dritë,
mesditë apo pasdite…
Por yjet nuk ndriçojnë,
ato përcjellin fotone energjie,
duke u djegur
me pikla të panumërta drite.
Teuta Biçaku maj 2022
“”””””””””””””””””””””””””
Koha
Koha është frymë, bija ime,
ajo frymë që jep shpresë, jetë.
Koha është buzëqeshje, bijëz
që mrekullisht syve rrëshqet.
Koha është fjalë, e mira ime,
që vishet me frymë e buzëqeshje.
Koha është prekje e butë
që ëmbël kthehet në përkëdhelje.
(Koha mbi frymë, fjalë,
buzëqeshje, ledhatim ngrihet,
i ka më të forta themelet)
