VALLZONI ME DHIMBJEN TUAJ
Dikush, dikur më tha: “Ti nuk i ndalon dot valët, por ti mund të mësosh surfing.” (Surfing do të thotë të mësosh të vozitësh, duke shfrytëzuar forcën e valëve) Kjo më duket mënyra më e mirë, që çdo njeri duhet ta zgjedhë për të manaxhuar dhimbjen dhe krizat në të cilat ndodhet. Të zhytesh më thellë brënda dhimbjes dhe krizave, është më mirë se të përpiqesh t’u largohesh atyre.
Unë e quaj këtë “të mësohesh të vallzosh me dhimbjen tënde.” Gjej ritmin e kohës së vështirë brënda së cilës ndodhesh dhe harmonizohu me të. Kjo do të thotë të mos përpiqesh të evitosh shqetësimin dhe frikën, por, me ndërgjegje të kërkosh t’i eksplorosh ato. Kjo është mënyra më e mirë për t’i dhënë vetes kohë dhe hapësirë, që të përshtatesh me hidhërimin dhe mërzinë.
“””””””””””””””””””””””””””
Ribotim.
REAGIM NDAJ NJË STATUSI
Sot, në Facebook, lexova një status të gjatë si dhe shumë komente, lidhur me të. Në këtë status dhe komentet, përzjehej Plasari dhe Rama, me Marksin dhe Leninin. M’u duk sikur shkruesi i statusit dhe komentatorët, me shumë lehtësi jepnin vlerësime dhe synonin të krahasonin të pakrahasueshmit.
Nuk e di begraundin e atyre që kanë bërë këto shkrime, por më duket kurajë e madhe të marrësh përsipër të kritikosh dhe të krahasosh me njerëz të tjerë Marksin dhe Leninin, që bota i konsideron mendimtarë të të mëdhenj. Kam përshtypjen se në vendin tonë, më shumë se në çdo vend tjetër, njerëzit janë të frikësuar nga idetë e Marksit dhe Leninit. Komunizmi prezantohet si një gogol, gjë, që pwr mendimin tim, nuk është e vërtetë.
Për të hedhur pak dritë në këtë diskutim, po sjell vetëm tre pasazhe, nga libri i autorit Yuval Noah Harari, Ph.D nga Universiteti i Oxfordit dhe lektor në departamentin e historisë në Universitetin Hebrew të Jerusalemit, i cili është i specializuar në historinë botërore. Libri, nga i kam nxjerrë këto pasazhe, është botuar nga “Harper-Perennial” në vitin 2017.
Libri “Sapiens,” i Y.N. Harari-t është përkthyer në më shumë se pesëdhjetë gjuhë të botës, janë shitur mbi dhjetë milion kopje dhe është best seller në Amerikë, Angli, Spanjë, Francë, Germani, Kinë, Korea, Japoni, Brazil, Israel, dhe në shumë vendeve të tjera të botës.
I thashë të gjitha këto, për të thënë se autori është një studiues shumë i vlerësuar.
Le të lexojmë:
1- Në mes të shekullit të 19, Karl Marksi arriti pikpamje ekonomike brilante. Bazuar në këto mendime ai parashikoi një konflikt dhune në rritje, midis proletariatit dhe kapitalistëve, që do të kishte si përfundim të paevitueshëm fitoren e proletariatit dhe kolapsin e sistemit kapitalist. Marksi ishte i sigurtë se revolucioni do të fillojë në vendet ku ishte përhapur Revolucioni Industrial- siç ishte Brritania, Franca dhe ShBA- dhe më vonë do të përhapej në pjesën tjetër të botës. ……… Fillimisht, vetëm një grusht dishepujsh e morrën Marksin seriozisht dhe lexuan shkrimet e tij. Por, sapo këta “trazovaçë” fituan përkrahje dhe fuqi, kapitalistët u alarmuan. Ata e përdorën “Das Kapital” dhe adoptuan shumë nga mjetet dhe mendimet e analizës së Marksit. Në shekullin e 20, gjithkush, nga çapkënët e rrugës deri tek presidentët, përqafuan qasjen Marksiste ndaj ekonomisë dhe historisë. Madje, edhe politikanët kokëfortë kapitalistë, që me forcë i rezistuan prognozës marksiste, akoma, e përdornin diagnozën e Marksit. Kur CIA analizoi situatën në Vietnam dhe në KIli në vitin 1960, ajo e ndau shoqërinë në klasa (siç bëri Marksi A.H.). Kur NIksoni apo Theçeri panë gjithë zhvillimin global, pyetën veten, “kush e kontrollon mënyrën vitale të prodhimit?”(analiza e Marksit. A.H). Nga 1989 deri në 1991 George Bushi, parashikoi rënien e Perandorisë së Djallit, të Komunizmit dhe ai u mund në zgjedhjet e vitit 1992 nga Bill Klinton. Stategjia fituese e fushatës së Klintonit në vitin 1992 u përmblodh në moton : “‘Është ekonomia, o trap’ dhe këtë veç Marksit, askush tjetër nuk mund ta thoshte më mirë.
