“Flamuri kombtar nuk ka ç’ka ban nder ne,
Po kje se dashtni nuk kem’ për Atdhe!
E, drue dashtni për Atdhe nuk ka shqiptari;
Me gjasë, s’çan krye shqiptari për komb t’vet,
As për at gjuhë të ambël qi i la i Pari,
As pse Shqipnia n’vedi u ba sot shtet;
Pse e shoh se veç atje ku xhixhllon ari
Pa frymë e tue dihatë vrap ai nget,
Si Krishtin shiti Juda Iskarjot,
Drue Adheu ndër ne po shitet për një zallotë…”
At Gjergj Fishta, 28 Nanduer 1913
Jam këtu
Nuk heq dorë nga lojërat
Bredh maleve,fushave
Në çdo lule të çelur jam
Bashkë me fletët e borës bardh bie
Në çdo fllad ere kolovitem
Në çdo këngë zogu jam një tingull
Çdo zemër njerëzore rreh në një moment me mua
Eci në retë e bardha të qiellit
Shoh gjithë botën
Pse të heq dorë?
Unë jam këtu në univers
Rrotullohem rreth diellit
Marr prej tij ngrohjen,ngjyrat
Bredh në çdo vend…
Edhe në Hënë
Në çdo frazë të bukur jam një shkronjë
Çdo gëzim i një fëmije
Është i imi
Pse të heq dorë?
Jam këtu!
ZN
19.12.2024
