S’ MUND T’I THUASH DIMRIT ,PRANVERË …
Përtej Botës virtuale ,
kam shumë mall të rri atje ,
e t’kujtoj jetën reale ,
që s’besoj të kthehet më
Realiteti krejt na humbi,
e nga duart fluturoi
Kujtoj djepin që m’përkundi ,
eh, ajo kohë tash perëndoi
Kujtoj miq e kujtoj shokë,
kudo janë njerëzit e mi
Realitet s’ka më në tokë,
e nuk ka as dashuri
U trondit krejt realiteti ,
mbetën gishtat n’telefon
S’ka lezet as muhabeti ,
realitetin kur kujton
Vetëm shkruajmë mbi tasterë,
fjalë përcjellim në gjithë Botën
S’mund t’i thuash Dimrit ,Pranverë,
kur vetë dielli s’e ngroh tokën
Dava Gjoka Lleshaj , Tiranë , 8 Nëntor 2024
“””””””””””””””””
BUKURINË , SIÇ TA DHA ZOTI !
Mall ,shumë mall kam !
Ngado që shkoj gjithçka artificiale!!
Them me vete ,në ëndërr jam !
Ku iku bukuria origjinale ?!!
Kishte lezet dikur
Kur kaloje nga rruga !
Shihje femra plot nur !
E s’bënte pershtypje fytyra me rrudha !
Ishin të bukura vetë !
Siç i kishte falur zoti !
Nuk bënin as tualet !
E s’dinin ç’është botoksi !
Nuk është bukuria !
Me botoks e silikon!
As me gjoks e buzë të fryra !
Kjo bukuri fallco njerëzit i mashtron !
Femra jonë shqiptare
Është e bukur vetë
Me bukuri origjinale
Mrekulli do t’jetë !
Bukuria e femrës
Është brenda në shpirt
Kur fal dashuri prej zemrës
E buzeqeshje jep cdo ditë !
Dava Gjoka Lleshaj ,Tiranë 8 Nëntor 2019
“”””””””””””””””””””””””
RRUGËVE T’BOTËS MOS ME U PLAK !
Iku …iku rinia !
Shqipen e lanë vetëm
Gjithkush iku për hallet e tija
Se e duan më t’mirë jetën
Iku…iku rinia !
I lanë vetëm nanë e babë
E i mbyti vetmia
Vallë a do t’vijnë prapë ?!
Ah ,iku…iku rinia !
Vetëm mbeti pragu
S’dëgjohet fëmija
Nuk ndizet as oxhaku
Iku…iku rinia !
Nuk shtrohet më sofra
Humbi gjallëria
Vetëm mbeti votra
Iku krejt rinia !
Kombi po na plaket
Po shembet shtëpia
Kush do i shërojë plagët ?!
Ika …vetëm ika
E dëgjoj një fjalë
Sa keq kjo politika
Si s’mundet me e ndalë ?!
Kombi po shterron
Rinia po ikën
Populli mallkon
Çdo ditë veç politikën
Nanë e babë ulur pranë votrës
Flasin me vetminë
A do t’mblidhen më rreth sofrës ?
Djemtë a do t’u vijnë?
A do t’vijë dita e shumëpritur ?
N’vend të huaj të mos shkojnë ?
E t’mos kenë nevojë për t’ikur
Këtu n’fole ,zogjtë të këndojnë
Kur mbaron ky tranzicioni ?!
Tridhjetë vite nuk janë pak
Kur do t’ndalet emigracioni?!
Rrugëve t’Botës mos me u plak
Dava Gjoka Lleshaj , Tiranë 5 Nëntor 2022
