SHQIPONJA DHE SORRA
Në lartësi shqiponja po fluturonte
Dhe ndjeu në kurriz një si pickim
Ishte një sorrë e ngratë që e përgjonte
Teksa orvatej që ti hype mbi shpinë.
-Po rri moj sorre!-i tha shqiponja me nge,-
Ti s’më ndjek dot mua në asnjë hap
Sepse unë harrohem në lartesitë pa re
Nuk dua…se me një pendë timen të bëj zap.
Dhe e ndoqi e gjora sorrë shqiponjën shumë lart
Ku ajri për të nuk mjaftonte atje,i dukej ferr.
Sepse ishte mësuar në tokë të hajë ndonjë zhabë
Lartësitë për të ishin vërtet një tmerr.
E kështu shqiponja teksa ngjitej sa më lart
Sorra tatëpjetë filloi të zbresë në llumin e saj
Eh, ja keshtu, nuk rrinë dot në një start
Njëra që do hapesira, e tjetra që do krimba të haje…
-ADELINA PALI-
“”””””””””””””””””
PËR ÇUDI
Shpesh herë bie thellë në dëshpërim,
kjo heshtja jote po më mundon.
Vështroj yjet gjersa zbehen në agim,
duke pritur të më duash si gjithmonë.
Ndoshta vërtetë të dukem si kotele,
por jam e butë porsi një manare.
Ti, si nje kalë i tërbuar mezi më përkëdhele,
bëhesh si luan,ndjenjat të ikin fare.
Por për çudi tërbimi yt më çmënd më shumë,
kridhem e bëhem njësh me trupin tënd
Teksa shoh që nuk përmbahesh ,bëhesh prush,
më afron pranë vetes e më puth në çdo vënd.
S’e di, s’e di se ç’ndjej kur jam pranë teje,
teksa më rri me nurin tënd përbri.
Një vërshim gjaku më zien ndër deje,
ndërsa ti zbutesh e më merr në gji…
-ADELINA PALI-
“””””””””””””
URIME DITËLINDJEN DORI
Ti, je mikja ime,që më bën të buzëqesh
Ti, që më lumturoje kur më gjuanin me gurë
Ti, që si një perëndeshë zbrite prej resh
Ti, qe nuk më braktise kurrë.
Sot dua të të kthej sado pak lumturi
Është shumë pak, para gjithçkaje që me fale
Nuk vlen asnjë fjalë, as një urim
Më ndejte pranë e kurrë s’u ndale.
Ndaj sot të të jap bekimet e Zotit, dua!
Të të uroj ditët më të lumtura në çdo hap
Nuk dua të resht ditëlindjen për të të uruar
Bashke të dyja yjet nga qielli ti zbresim nga lart…
