LUTJE PËR SHPIRTËRAT E REZALLËS
Rrezallë a je gjallë si u ndjeve sot
E di që dënesjet lotët të kanë lodhur
Mbahu e fortë siç ke qenë gjithmonë
Të gjithë lutemi për 93 shpirtërat e Rezallës
Për ju që ratë për pragun e shtëpisë
Për diellin e dritës, për fanarin e lirisë…!
Kurrë nuk ju harrojmë sa t’jetë kjo botë
Lutemi të gjithë për shpirtërat e Rezallës
Ndonëse ata nuk kanë nevojë as për lutje
Meqë dëshmorët e kanë t’siguruar parajsën
Janë martirë dëshmorë të Atdheut nanë
Roje nderi për ardhmërinë e fëmijëve tanë…!
/Rezallë, 5 Prill 2021/
“”””””””””””””””””””””””
MBETËM PA VARGUN E HAMDI TASHOLLIT
Na paska ikur nga kjo botë edhe një mik e poet, njeriu me virtyte të larta njerëzore dhe shpirtmirë, Hamdi Tasholli! E kisha mik shumë të mirë. Shpesh e vizitoja në zyrën e tij ku ishte drejtor dhe bisedonim për artin dhe poezinë.
Ishte njeri i kulturuar, i urtë, i kujdesshëm, poet, shok, dashamirës, i sjellshëm dhe mbi të gjitha një njeri i kompletuar. I qoftë i lehtë dheu i Kosovës që e deshti aq shumë!
I përjetshëm kujtimi për mikun tonë poetin Hamdi Tasholli!/Ahmet Pllana/
