Albina Trebicka

I kërkova librin e ri një mikut tim

Eshtë poet e shkrimtar i talentuar

S’u bë hataja po të mos e lexosh ti

…më shkroi pa pritur e pa kujtuar

U habita

U indinjova

U mërzita…

dhe nuk i jam përgjigjur akoma

T’i them, që s’të njihja për të tillë?!

Apo… faleminderit që të njoha?!

GJUMI I TRAZUAR.

Ma trazoi gjumin një mik poet

Dhe fjalët m’i hutoi pak nga pak

M’u duk në ato çaste aq i afërt

Ndonëse jeton larg, shumë larg

I zgjoi miku im ca ëndrra të mira

Dhe sikur m’u fshehën vitet mua

Befas unë ndjeva disa drithërima

U çorodit gjumi, nata u thërrmua

Eshtë bukur, kur sjell vjeshta këtë ndjesi

Dhe ëndrrat diku fjetur… zgjohen përsëri

DY FJALË…MIKES TIME!

Trazuar i ke mendimet dhe të grinden fjalët

Të heshtën minutat dhe t’u fshehën çastet…

Të bren dyshimi e t’u ngatërruan ndjenjat

Mos është xhelozi, apo zgjohen mëkatet ?!

Është ngatërrestare largësia juaj

Hëna del aty, kur diell është tek ty

Vështrimet treten nëpër mijëra km.

Nuk shihet dot, ç’shprehin sytë e tu

Ti edhe flet, edhe hesht, moj mikja ime,e dashur

Por ka FALJE për grindjet,që vijnë krejt pa dashur.