KUJTOHU NDONJËHERË…
Kujtohu e shko ndonjëherë…
në atë cep të heshtur të lokalit
Mos pret puthja e lënë pezull
Mos kohën e ka marrë malli?!
Kujtohu dhe pi një kafe makjato
Tek filxhani ku janë buzët e mia
Nga larg dua ta ndjej atë aromë
Dhe të bindem se jeton dashuria
Mos hesht…,
le të bëhet heshtja fjalë
Ditët vrapojnë shpejt,
netët rrinë gjatë
A.TREBICKA 15.02.2022
CA TË PATHËNA…
Kam një mendim që s’e them dot
Një fjalë e kam të ngecur diku…
Një buzëqeshje kujt t’ja dërgoj ?!
Mes të pathënash gjendemi të dy
Kam një dilemë që më mundon
dhe një ëndërr mbuluar me brymë
Kam një varg që kuturu shtegton
dhe një moshë të hallakatur shumë
…se rrjedha e mendimeve nuk e ndryshon dot moshën
Ne mund të blejmë orën, por s’blejmë dot kohën…
A.TREBICKA 01.02.2022
“””””””””””””””””””””””””
