PENDIM I VONUAR…
E gëlltis trishtimin fshehtas…
Po mërzinë s’e vë dot në gjumë
Mbytem nëpër dallgët e lotit tim
Se grindjet me shoqet s’i dua unë
Rënkojnë mendimet me gjuhën e vështrimit
Më përqesh dhimbja shkaktuar pa faj…
E zbehtë buzëqeshja nga pritja e gjatë
Bërtet mërzitja : mos e fal, mos e fal!
Koha sjell dhimbje e furtuna në shpirt
Drithërimat e dashurisë i le larg…
Pikat e shiut fshijnë lotët e dëshpërimit
Pendimi i vonuar bërtet : më fal, më fal…
A.TREBICKA 25.07.2020
“””””””””””””””””””
PO I KËRKOJ …
Po i kërkoj disa vite të miat e s’i gjej dot
Më kanë humbur apo i kam fshirë vetë
I vështirë qënka udhëtimi brenda vetes
Kur një puthje e vetme lidh vitet në jetë
Tek pragu i portës ngeli pritja ime…
Heshtjen e viteve nuk e prishi dot Ai
Tek çelsi i derës varur ndenji shpresa
E shpirti i malluar nuk gjeti dot qetësi
Ky shi malli asnjëherë nuk ndali…
Fshehur dhe heshtur bie papushim
Një nga një po shtohen thinjat e mia
Ndërsa flokët e tij janë në mbarim…
Po i kërkoj disa vite e s’po i gjej dot
Disa mbeten bosh, disa jetuar kot…
A.TREBICKA 15.07.2020
