LETËR E FSHEHUR…
E gjeta një letrën tënde sot
Harruar te një libër në sirtar
Data ishte para dyzet vitesh
Por boja ish ende e patharë
E lexova …ngadalë-ngadalë
Më mbahej fryma herë-herë
Një botë e tërë para m’u hap
Pa hapur askush asnjë derë
S’gjej dot fjalën ç’ishim ne atëhere
Kur me ankth na trokisnin minutat
Një kujtim i bukur si një ditë vere
Buzëqeshim sot që u rritën çupat
E fshehur kjo letër nga vetja
edhe nga fëmijët
E fshehur nëpër rrudhat
edhe nëpër thinjët
A.TREBICKA 29.04.2021
“””””””””””””””””””
ËSHTË ENDE I IMI,
PRILLI I ATIJ VITI!
Të puthja pa lindur, me buzët e shpirtit
Pa ditur nëse ti ishe vajzë, apo djalë…
Me lulet e prillit qëndisja ëndrrat e pritjes
I numëroja ditët e netët që ecnin ngadalë
E mrekulluar,më dehte kjo aromë e prillit
Bashkë me mua… edhe ti me lëvizjet e tua
Ishte tretur hapësira mes ankthit dhe gëzimit
Dhe padurimit për të të puthur e thënë: të dua
I gezuar më pëshpëriste prilli
…ja ku erdha!
Një tufë lule të solla ty
dhe vogëlushen DEA.
TI ishe cdo lule, që çeli pranvera
Bija ime e bukur…me emrin DEA.
A.TREBICKA 16.04.2021
“”””””””””””””””””””
Një përgjigje poetes
Albina Trebicka
I frymëzuar nga poezia e saj
Dhe nata ç’lodh qerpiket e tu
Me copëza një dite të raskapitur
Ngelet i vrenjtur ky qelli, blu
Me lot gjithë rrugët i ka ujitur
Bashkë, pritëm pranverën e një peme
por llafe ishin dhe thashetheme.
Një maskë fytyrat kishte mbuluar
që vrau buzëqeshjen e dëshpëruar
Vështirë të dalim ne nga ky burg
I humbëm ndjenjat e dashurisë
Mbetëm të vetëm por si një murg
që i vetëm falet brenda qelisë.
Kam kohë që them se do të çel
Jetoj një jetë që s’kam kërkuar
Ditë dhe nete kështu po përcjell
Kam frikë të jem i dashuruar.
Fund Marsi 2021
