Dje pata nderin te merja pjesë ne manifestimin letrar “Ora e Tahit Deskut ” ne Komunen e Klinës Kosovë, tradite kjo prej dymbedhjete vitesh tashme , ne konkursin letrar poezia ime “RRI PASH MUE “u vleresua me çmimin e pare
Ishte vertetê një kënaqesi e vecantë…
Faleminderit shumë jurisë dhe organizatoreve, mirenjohje pafund!
RRI ,PASH MUE
Flatrova horizontesh si zog
n’përvlim t’ksaj stine ,
Fërfëllim aromëmirë t’u bana
Lulet e shpirtit,mos me i lan
me u tha ,
N’ajri t’ksaj toke, mbusha mushkritê,
Dashta buzës tande shpirtin me shkla.
Se kangt e dashnisë
kompozuem zemrash,
Kshtu duhen kndue
S’duen kja.
Si mburojë perendie mantelin
e diellt,
T’hodha mbi ftyrë,
Ani se symbyllë qiejve t’botës
t’u bana yll.
Edhe nëse trulluem rreth vedit
endesh
E “s’kie sy” me pa kyt mrekulli,
Rrahjet n’krahnor i kam t’gjalla,
Nuk aktrova njasaj skene t’zjarrtë
Ndjenjat jane krejt “naive”
Ato, s’njofin djallzi.
Udhtova damarve t’zëmres
njasaj korsie bojgjak,
Verbuem prej dashnie kjesh,
Ngjitun ashtit t’saj
Palcen e shpirtit shtrydha për ty,
Renda dritës tande
si me ken pa sy
Oh, me dashni zemre
mbajma gjall ket dashni,
A e di i dashtun?!
Unë, gjalloj edhe pa frymue
për ty,
Ndaj rri ngjit meje si shtëllungë
rebardhë,
Njashtu sic un të due
Rri, pash mue!
