AUTORE : Morena Çupi
TITULLI : Hënë , mikja ime !
Diademë ndriçese në qiell ,
ditari im i kyçur ,
memecja ime shprehëse
si flamur në qiell ngritur .
~~~~~~~~~~~~~~~~~~~~~~~~~~
Sonte hijeshuake plotësuar
hijerënde plot krenari .
Ah sikur t’ja merrja fasulen Xhekut !
Ta mbillja , të rritej e te zbarkoja tek ti .
~~~~~~~~~~~~~~~~~~~~~~~~~~
Mezi pres me Diellin të ndërrohesh
të me tregosh ndonje përrallë në të errësuar ,
të më qëndrosh përballë të të rrëfehem
të më ndriçosh udhë te shumkërkuara .
~~~~~~~~~~~~~~~~~~~~~~~~~~
Të adhuroj në çdo shikim , formë e rrezatim .
Të adhuroj në të bukurën liri
në konturet e tua pa kufij .
Të adhuroj në prehër të kohës
anash palave të perdes
nën të hollin stof ,
të adhuroj edhe yllin e parë
që varet në ty si apostrof ‘.
~~~~~~~~~~~~~~~~~~~~~~~~~~
Shikoje pak ujkun e vetmuar
që ulërin nën dritën tënde ,
duke mrizuar në shkëmb me lot në sy
ty po të vështron ende .
~~~~~~~~~~~~~~~~~~~~~~~~~~
Merrmë të ecim në sekonda te rinj
t’i grisim ca vite nga ata të shkretit ,
të pluskojmë mbi qiej në pafundësi
pa i marrë leje gravitetit..
