Ndërrimi i stinëve
Si na iku edhe këtë vit pranvera
Në fushat përreth lulet u thanë
Shtegtarët u kthyen po jo si ngahera
Dhe njerëzia hesht me kokën mënjanë
Dhe verën e lodhën ditët plot diell
Në rrugë mbretëronte qetësija
Mbrëmjes yjet vraponin nëpër qiell
Si lot të hidhur që mbart mërzija
Munguan çiftet mbrëmjeve me hënë
Dhe shëtitjet rinore në bulevard
Zemrat në heshtje flirtet kanë lënë
Dhe dashuritē e para nuk patën fat
Bregdeti loz me dallgët e mallit
Në shkëmbin aty pranë gdhëndur dy emra
Gërmat gjysmë të fshira si ëndra e djalit
Dhe një trëndafil që lidh ato zemra
Stinët u ndërruan në heshtje të plotë
Dashuritë u kthyen në lule kujtimi
Në pritje të një dimri tepër të ftohtë
Ku vetmija loz e qesh nga pikëllimi
“”””””””””””””””””
Gjithshka
E dua buzën nga malli kur dridhet
Dhe lotin e valē ndalur mbi të
Vështrimin e ndrojtur që nën qerpik fshihet
Dhe fjalët që thua ashtu nën zë
Dua gjithshka që gjallon brënda teje
Dhe ato nazet e tua fëminore
Puthjen dhuratë ke prej meje
Dhe kurrë ndonjë herë mos ndjehesh fajtore
Gjithshka që mbart me vehte loti
Buron thellë nga shpirti i dlirë
Jetët tona na I bekoftë Zoti
Dhe dor’e tij lotin do ta fshijë
“”””””””””””””””””””””””
Muaji i shpresës
Si iku pranvera,vera dhe kjo vjeshtë
Me një dhimbje të hidhur si asnjëherë
Asgjë më nuk do të jetë e thjeshtë
Në ktë dimër të ftohtë dhe të mjerë
Harruam shëtitjet mbrëmjeve plot dritë
Dhe yjet sot mes reve na fshihen
Hëna vetmitare e zënë në pritë
Mbi honet e vetmisë mundohet të ngrihet
Nuk do të kemi më lule që kundërmojnë aromë
As ato puthje që dikur na velnin
Veç heshtjes dhe vetmisë n’atë dhomë
Dhe kujtimet si ëndra të harruara do ngelin
Por një çast I vetëm do na sjellë tjetër ngjyrë
Në ditët që vijnë natyra do çelet
Borë e bardhë fushave u ndryshon fytyrë
Dhe ankthi shuhet dhe qetësija mbetet
Muaji I festave dhe ndërrimit të vitit
Do na ngjallë sërish shpresën e humbur
Çdo çast do ndezë zjarrin e shpirtit
Që të ndjehemi si dikur të lumtur
Respekte për vargun tuaj dhe energjinë pozitive që përcillnin nëpërmjet tyre duke na dhënë dhe falur dashuri ! ZOTI ua shplrbleftë!