Bujar Cani

Kur isha i vogël kam pas jetuar në një qytet të vogël në.verilindje të vendit Afër shtëpisë time ka qenë një fushë e madhe , e gjithë e bërë me drenazhime , e kanale për kullimin e ujit . Këto kanale kulluese krijonin një fare baltë , që ne e quanin bote ose plastelinë në gjuhën letrare . Ne këtë baltë [bote] e kishim shumë qejf , se luanim me të , i jepnin asaj forma të ndryshme sipas imagjinatës tonë feminore , pra e pelqenim këtë balte [bote] , sepse ishim zotër të saj dhe e komandonim sipas dëshirave tona . Pra kjo lloj balte [bote] kthehej në të gjitha format që ne e donim , në mënyrë shumë të kollajtë . I tregova këto gjëra se ashtu si kjo baltë që ne e quanim botë , ka shumë njerëz , tipa e karaktere që marrin forma të ndryshme , sa herë u paraqitet nevoja , vetëm e vetëm për të ruajtur me fanatizëm postin , ose për ta ndërruar atë sa herë që ndërrohen pushtetet , partite apo idealet e tyre , sepse këto njerëz të gjithë jetën e tyre e kalojne duke u zvarritur si gjarpri mbas pemës , e që nuk jetojnë dot pa pasur ombrellën shtet . E këto lloj tipash në shoqërinë tonë postkomuniste i kemi të shumte dhe po bëhen mjaft të dëmshëm , sepse janë kthyer edhe në fenomen të shoqërisë shqiptare . E këto i kemi me shumicë në politikën shqiptare , politikanë e deputetet , fuksionarë , pushtetarë e qeveritarë , dhe kudo në shoqërinë tonë , aq sa mund ti thuash se këto politikanë e deputetë e CO që kemi , janë bërë tamam si një merkato futbolli , ku shitblerja e deputetëve dhe kalimi nga një parti në tjetrën , është bërë një fenomen i zakonshëm dhe shumë banal . Prandaj sa më pak njerëz të këtij kallëpi balte ( bote ) të kemi , aq më shumë zhvillim e civilizim do të ketë shoqëria shqiptare , dhe përparim e progres do të ketë vendi dhe Shqipëria jonë e dashur …nga..@bujarcani……