AJO…..
Në mbretërinë e heshtjes së saj
madhështohet,virtyt,trishtimi,
stacionet e jetës e lodhën paksa,
dashuria për jetën atë e skaliti.
Sytë e saj si diej të vegjël janë,
herë-herë qeshin nga lumturia.
Eh, më shumë lotojnë e qajnë,
Bota e tillë qënka nga njerëzia.
Ata të hyjnë në jetën tënde ashtu
si aktorë amatorë, luajnë serialin,
Me historitë e tyre t’jetës kuturu.
Zemrën ndezin, hënën, yjet falin.
Në mbretërinë e botës së saj,
Ka stinë, dimër, verë, vjeshtë,
Lulet e shpirtit në sy i çelin asaj,
paçka e ngrirë, ajo vetëm heshtë.
Dashuron ashtu në heshtërim,
loton ama jeton ,shpresuar.
Kauza e saj: nuk ka dorëzim,
Nëse pjesë – pjesë, thërrmuar.
Në prehërin e saj dashuruar,
Ajo ndali kohën , botën e fali.
Bukurie Bucpapaj
2.6,2022.
“””””””””””””
Një Qershor i përgjakur
Buzëqesh dielli, buzëqeshin fēmija,
lumturia zbritur në sytë e tyre si meteori.
Gëzohen zemrat e tyre nga dashunia,
Sot, ata kanë festë, ka ardhur një Qershori.
Hareshëm kanë mbushë rrugët e trotuaret,
Gumëzhijnë si bletët në bankat shkollore.
Festën kanë sot , jehojnë fushat e malet,
Bota e tyre e bukur gazmohet prore.
Një Qershori na erdhi përsëri, ata thonë.
Të lumtur festojnë e këngë këndojnë,
Por, ca të tjerë u bën ëngjej në përjetësi,
Dora kriminale i vrau ata me mizori.
Ata festojnë në parajsë te Zoti i gjithësisë,
Larg nga dorë e përgjakur, shpirt i ligësisë.
Ata janë të sigurtë, në paqe si ëngjëj,
Nga lart shikojnë botën me sy të vëngër.
Ashtu të lehtësuar, të qetë, tē paqtë,
Luten e luten pēr këtë botë të mbrapshtë.
Zotit i përulen me adhurim e dashuri,
Nga zemra ju urojnë festën juaj, o fëmi.
Qofshi të lumtur në këtë botë plot mizori,
Mos u bëshi kurrē kurban i armikut të zi.
Paqe, dashuri paçi ju gjithmonë e pērherē,
Ditët e juaja qofshin si dielli në pranverë.
