LIBRI MË I RI ME FABULA
Pas katër librave me poezi dhe katër librave me fabula,këto ditë përfundoj librin më të ri me fabula,epigrame dhe epitafe.
Një nxitje të madhe më ka bërë dhe moderatori i tv Alpo,Aristotel Petro,i cili në emisionin e mëngjesit drejtëpërdrejtë me shikuesit,publikon dhe 5- 6 fabulat e mia çdo ditë.Për të mos u mërzitur shikuesit ,çdo javë i jap këtij televizioni prurje të reja me fabula dhe epigrame.Faleminderit dhe juve për mbështetjen miqtë e mi shumë të respektuar!
KURRË…
Kur s’u bëmë bashkë ne të dy,
Edhe pse i deshëm takimet shumë.
Në takim,herë vije shpejtë ti,
Dhe herë vija vonë unë.
Mendimet për ty më kanë pushtuar,
E me vonesën tënde kurrë s’jam tallur.
Herë isha unë duke u larguar,
E herë ishe ti duke ardhur.
“””””””””””””””
Epigram: KRAHËT
Kur e ngritën në një detyrë atë,
Secili nga një mendim dha.
Të heshtur,të ndrojtur,nën zë,
Thanë:- Ka krahë ai,ka krahë.
“””””””””””””
