Sot me rastin e 10 vjetorit nga ndarja prej kësaj jete, me nderime të veçanta nga shokë, miq, bashkëluftëtar, familje të dëshmorëve, personalitete dhe figura nga jeta shoqërore në prezencë të familjes, u përkujtua Rrahim Samiu – Komandant ZOGU.
– Zonja Shkodrane Dardhishta – Komandant SHKODRA, para se të kërkon që në shenjë respekti dhe përkujtimi të nderojm dëshmorin me një minut heshtje, ajo evakuoi kujtime nga takimi dhe përjetimi i krismave krah për krahu me Komandant ZOGUN si në luftën e lavdishme të Koshares Legjendare, ashtu edhe të krismave në rradhët e Ushtrisë Çlirimtare Kombëtare.
– Ndonëse me emocione, por me krenari që nga vitet e hershme në Tiranë e deri në kalanë e Tetovës foli bashkëluftëtari i tij z. Berzah Bejtullahu – Komandan Xaki,
-Në emër të SHVL UÇK-së Kryetari i saj z. Daim Hiseni ishte me porosi të qartë: Aty ku flasin veprat, fjalët janë të tepërta, por ka një të vërtetë:
” Dëshmorët nuk vdesin, të vdekur jana ata që i haruan dëshmorët”
– me fjalë rasti u nderua edhe z. Fazli Veliu i cili mes tjerave potencoi se Komandant ZOGU para se të vesh uniformën ka qenë i strukturuar brenda Lëvizjes për Republikën e Kosovës.
– Në emër të qytetit dhe qytetarëve të Tetovës fjalë nderi kishte kryetarja e Komunës Zonja Teuta Arifi e cila e vlerësoi lartë momentin e ngritjes së vetëdijes qytetare atëher kur shqiptarët vendosën që të luftojnë për vetveten dhe të drejtat e tyre.
Në emër të familjes Samiu, fjalë falenderimi për nderin dhe respektin me prezencën e tyre, foli e bija e Komandant Zogut – Rrezëarta Rr. Samiu.
Ajo që ra në sy gjatë këtyre homazheve ishte mungesa e strukturave dhe përfaqësuesve të partive politike.
Ndërsa ajo që e bëri më madhështore këtë datë të shënuar ishte prezenca e bashkëluftëtarëve nga gjitha trevat shqiptare.
Telegram me fjalë miradie për jetën dhe veprimtarinë e Komandant Zogut dërguan Gjen. Hisen Berisha, Komandant Hazbi Lika, Ali Ahmeti, Zyylfi Adili dhe shumë personalitete të tjera që për shkaqe tv ndryshme nuk arritën të marrin pjesë në këto homazhe nderimi në kujtim të dëshmorit Rrahim Samiu.
Në darkën solemne, me këngë kushtuar Komandant Zogut, me njv zë të ëmbël artisti, na nderuan rapsodët Berat Emini dhe Halim Haliti
L A V D I
