KUSH I KA KËNDUAR MË BUKUR DASHURISË…?
NAIM FRASHERI
Do të shkrihem
Të venitem,
Si kandili kur s’ka vaj,
Balt’ e pluhur
Do të bëhem,
Të më shkelnjë këmb’ e saj;
E të prehem
Duke puthur
Atë këmbë pasandaj.
As me thua
Ç’ke me mua?
Pse të dua paskam faj.?
MIGJENI
Melodi e këputun-lot i kjartë nga syni
i nje grues së dashtun…
andje e përplasun,
xhevahir i tretun,
nje andër e shkelun,
buzë e paputhun
në melodin e këputun.
LAZGUSH PORADECI
YJTË-e ndezur si fingjill,
Që vërtitin palë-palë
Prej mosgjëje zunë fill
Plot me jetë- e mall tē valë.
Zunë fill me dashuri
Që kur bota zu të ngjizet,
Pa sikush për shok te ti
Përvëlohet edhe ndizet.
Shenim:
I mirëpres vlerësimet tuaja.
Jo vetem COVID por edhe pak mjaltë nga më të mëdhenjtë e poezisë shqiptare…!
